Hansika: సినిమా కబుర్లు.. సంక్షిప్త సమాచారం!
- యంగ్ హీరో సరసన హన్సిక
- ఒకరోజు ముందుగానే 'జైసింహా' ఆడియో వేడుక
- నాగ చైతన్యతో విక్రంకుమార్ చిత్రం
- నూతన తారలతో జయంత్ ప్రాజక్ట్
* ప్రస్తుతం ప్రభుదేవా సరసన 'గులేబకావళి' చిత్రంలో నటిస్తున్న అందాల హన్సిక తమిళంలో తాజాగా మరో చిత్రాన్ని ఒప్పుకుంది. అధర్వ హీరోగా శ్యాం ఆంథోని రూపొందించే థ్రిల్లర్ లో హన్సిక కథానాయికగా నటిస్తుంది. ఈ చిత్రం షూటింగ్ త్వరలో మొదలవుతుంది.
* నందమూరి బాలకృష్ణ హీరోగా కేఎస్ రవికుమార్ రూపొందిస్తున్న 'జైసింహా' చిత్రం ఆడియో వేడుకను మొదట్లో ప్రకటించినట్టు ఈ నెల 23న కాకుండా 22నే నిర్వహిస్తున్నారు. విజయవాడ సమీపంలోని హాయ్ లాండ్ లో ఈ వేడుక జరుగుతుంది. ప్రస్తుతం ఈ సినిమా పోస్ట్ ప్రొడక్షన్ పనులు జరుగుతున్నాయి.
* ప్రస్తుతం అఖిల్ అక్కినేనితో 'హలో' చిత్రాన్ని చేస్తున్న దర్శకుడు విక్రంకుమార్ అక్కినేని ఫ్యామిలీకి మరో చిత్రాన్ని చేస్తున్నాడు. నాగ చైతన్య హీరోగా నటించే చిత్రానికి కూడా విక్రంకుమార్ దర్శకత్వం వహిస్తాడు. ఈ విషయాన్ని నాగార్జున చెబుతూ, ఇది వచ్చే ఏడాది మొదలవుతుందని తెలిపారు.
* ప్రముఖ దర్శకుడు జయంత్ సి పరాన్జీ తన తదుపరి చిత్రాన్ని ఇండో-పాక్ సరిహద్దు కథాంశంతో రూపొందిస్తున్నాడు. ఇందులో నూతన నటుడు నిలేష్ హీరోగా నటిస్తుండగా, లక్మే మోడల్ ఇజాబెల్లి కథానాయికగా నటిస్తోంది. ఈ చిత్రానికి 'నరేంద్ర' అనే టైటిల్ని నిర్ణయించారు.
