ఒకే రోజున 6 సినిమాల విడుదల .. కారణం అదే!

ఈ నెల 15వ తేదీన థియేటర్లన్నీ కళకళలాడబోతున్నాయి. ఎందుకంటే ఆ ఒక్కరోజునే 6 సినిమాలు విడుదలవుతున్నాయి. సునీల్ 'ఉంగరాల రాంబాబు' .. సందీప్ కిషన్ 'ప్రాజెక్ట్ జెడ్' .. నారా రోహిత్ 'కథలో రాజకుమారి' .. విజయేంద్ర ప్రసాద్ దర్శకత్వం వహించిన 'శ్రీవల్లీ' .. సచిన్ జోషి 'వీడెవడు' .. ఇక అనువాద చిత్రంగా నయనతార - శింబు కాంబినేషన్లోని 'సరసుడు' ఆ రోజున ప్రేక్షకుల ముందుకు రానున్నాయి.

 ఈ సినిమాలన్నీ ఒకే రోజున థియేటర్లకు రావడానికి కారణం ' జై లవ కుశ' .. 'స్పైడర్' అనే అంటున్నారు. 'జై లవ కుశ' ఈ నెల 21న విడుదల కానుండగా, 'స్పైడర్' 27న ప్రేక్షకుల ముందుకు రానుంది. ఆ తరువాత 29న 'మహానుభావుడు' రంగంలోకి దిగనున్నాడు. అందువలన థియేటర్స్ సమస్య తలెత్తుతుందనే ఉద్దేశంతో ఓ మాదిరి బడ్జెట్ సినిమాలన్నీ ముందుగానే వచ్చేస్తున్నాయన్న మాట.