'బిగ్ బాస్' హౌస్ లో అల్లరి చేయనున్న నరేశ్!

అల్లరి నరేశ్ కామెడీని ఇష్టపడే అభిమానులు చాలామందే వున్నారు. ఆయన సినిమాలకి మంచి ఆదరణ ఉండటం వల్లనే చకచకా 50 సినిమాలు పూర్తి చేయగలిగాడు. అయితే ఈ మధ్య కాలంలో కథల ఎంపిక విషయంలో ఆయన కొత్తదనానికి ప్రాముఖ్యతను ఇవ్వకపోవడం వలన సక్సెస్ పలకరించి చాలాకాలమైంది. దాంతో ఈ సారి తప్పకుండా హిట్ కొట్టాలనే ఉద్దేశంతో ఆయన 'మేడ మీద అబ్బాయి' చేశాడు.

 టైటిల్ జనంలోకి బాగానే పోయింది. ఇక సినిమా రేపు (శుక్రవారం) ప్రేక్షకుల ముందుకు రానుంది. ఈ నేపథ్యంలో ప్రమోషన్స్ లో భాగంగా ఆయన 'బిగ్ బాస్' హౌస్ కి వెళ్లి అక్కడి కంటెస్టెంట్ లతో సందడి చేయనున్నాడు. ఈ ఎపిసోడ్ ఈ రోజు రాత్రికి ప్రసారం కానుంది. ఇంతకుముందు తమ సినిమా ప్రమోషన్స్ కోసం రానా .. తాప్సి .. విజయ్ దేవరకొండ బిగ్ బాస్ హౌస్ కి వచ్చారు. ఆ సినిమాలన్నీ కూడా హిట్ కొట్టాయి. అలాగే అల్లరి నరేశ్ కి కూడా సక్సెస్ దొరుకుతుందేమో చూడాలి.