తండ్రి లేని బాల్యం నుంచి 54 రెస్టారెంట్ల సామ్రాజ్యం వరకు.. జాన్ గుల్లో సక్సెస్ స్టోరీ!
- పేదరికం నుంచి 54 రెస్టారెంట్ల యజమానిగా ఎదిగిన జాన్ గుల్లో
- 2002లో అమెరికన్ డ్రీమ్ ఫౌండేషన్ స్థాపన
- సేవా కార్యక్రమాలకు 2 మిలియన్ డాలర్లకుపైగా విరాళాలు.
- వందలాది పికిల్బాల్ కోర్టులకు సహకారం
- 2024లో పికిల్బాల్ హాల్ ఆఫ్ ఫేమ్లో చోటు
ఒంటరితనం.. పేదరికం.. తండ్రి లేని బాల్యం.. జీవితంలో ఒక్కో అడుగు ముందుకు వేయడమే పెద్ద సవాల్గా మారిన రోజులు. కానీ ఆ కష్టాలేవీ జాన్ గుల్లోను వెనక్కి లాగలేదు. చిన్న ఉద్యోగంతో మొదలైన ఆయన ప్రయాణం 54 రెస్టారెంట్ల సామ్రాజ్యాన్ని నిర్మించే స్థాయికి చేరింది. అయినా ఆయన దృష్టిలో అది అసలైన విజయం కాదు. తనకు లభించని అవకాశాలు మరొకరికి అందేలా చేయడమే జీవితానికి అసలైన అర్థమని నమ్మారు. 82 ఏళ్ల వయసులోనూ అదే సిద్ధాంతంతో ముందుకు సాగుతున్నారు.
బర్గర్ కింగ్లో చిన్న ఉద్యోగం నుంచి..
న్యూయార్క్లోని బఫెలోలో పేదరికంలో పెరిగిన గుల్లో.. హైస్కూల్ విద్యను కూడా అతి కష్టంగా పూర్తి చేశారు. 1971లో బర్గర్ కింగ్లో చేరి, అక్కడ నైట్ మేనేజర్గా మొదలుపెట్టి క్రమంగా ఈస్ట్ కోస్ట్లో డిస్ట్రిక్ట్ మేనేజర్ స్థాయికి ఎదిగారు. ఆ తర్వాత ఓ భాగస్వామితో కలిసి స్వంత ఫ్రాంచైజీలు ప్రారంభించే అవకాశం వచ్చింది. 1977లో యూటాలోని లోగన్లో ఆ రాష్ట్రంలో రెండో బర్గర్ కింగ్ ఫ్రాంచైజీని ప్రారంభించారు. ఆ తర్వాత రివర్డేల్లో మరో రెస్టారెంట్ పెట్టారు. అలా ఒక్కో ఏడాది ఒకటి చొప్పున ఫ్రాంచైజీలు పెంచుకుంటూ చివరకు యూటా, విస్కాన్సిన్, అరిజోనాలో 54 రెస్టారెంట్లు స్థాపించారు.
డబ్బు కంటే సేవే ముఖ్యం..
కాలక్రమంలో ఆయన స్వయంగా రెస్టారెంట్ల రోజువారీ కార్యకలాపాల్లో ఉండటం తగ్గిపోయింది. ముఖ్యంగా అక్కడ పనిచేసే యువతతో నేరుగా కలసి పనిచేసే అవకాశం తగ్గడంతో ఆయనకు అసంతృప్తి కలిగింది. పిల్లలతో, యువతతో పనిచేయడం తనకు ఎంతో ఇష్టమని గుర్తించిన గుల్లో.. అందుకే రెస్టారెంట్లను విక్రయించి సేవా కార్యక్రమాలు, యువతకు మార్గనిర్దేశం చేయడంపై పూర్తిగా దృష్టి పెట్టారు. రెస్టారెంట్లను విక్రయించిన తర్వాత గుల్లోకు కొత్త ఆలోచన వచ్చింది. పిల్లలకు మార్గనిర్దేశం చేయడం, సమాజానికి తిరిగి ఇవ్వడంపై దృష్టి పెట్టారు. 2002లో అమెరికన్ డ్రీమ్ ఫౌండేషన్ను ప్రారంభించారు. గత 25 ఏళ్లలో పిల్లలు, కుటుంబాలు, తరగతి గదులు, అగ్నిమాపక సిబ్బంది, దివ్యాంగులకు సేవలందించే కార్యక్రమాలకు 20 లక్షల డాలర్లకుపైగా విరాళాలు అందించారు.
తన కథనే పాఠంగా మార్చి..
తన జీవిత అనుభవాలను ‘ఎక్స్ట్రార్డినరీ అడ్వెంచర్స్ ఆఫ్ యాన్ ఆర్డినరీ మ్యాన్’ అనే పుస్తకంగా రాశారు. రచయిత్రి బ్రిడ్జెట్ కుక్-బర్చ్తో కలిసి రూపొందించిన ఈ పుస్తకంలో తన ప్రయాణంతో పాటు యువతకు ఉపయోగపడే జీవిత పాఠాలను చెప్పారు. తప్పుల నుంచి నేర్చుకోవడం, అవకాశాలను గుర్తించడం, సరైన సమయంలో చర్య తీసుకోవడం వంటి విషయాలను ఇందులో వివరించారు. ఈ పుస్తకం ద్వారా వచ్చే మొత్తాన్ని కూడా సేవా కార్యక్రమాలకే అందిస్తున్నారు.
గుండె సమస్య తర్వాత కొత్త మలుపు..
2008లో గుల్లోకు బైపాస్ సర్జరీ జరిగింది. ఆ సమయంలో పికిల్బాల్ ఆడటం ప్రారంభించారు. ఆ ఆటతో 100 పౌండ్ల బరువు తగ్గారు. అంతటితో ఆగలేదు. ఉత్తర యూటాలో పికిల్బాల్ను ప్రాచుర్యంలోకి తీసుకెళ్లేందుకు కృషి చేశారు. వందలాది కోర్టుల నిర్మాణానికి సహకరించారు. ప్రొఫెషనల్ పికిల్బాల్ ఫెడరేషన్ను స్థాపించారు. టోర్నమెంట్ ఆఫ్ ఛాంపియన్స్ను కూడా నిర్వహించారు. 2024లో పికిల్బాల్ హాల్ ఆఫ్ ఫేమ్లో చోటు సంపాదించారు.
మనుషులను కలపడమే లక్ష్యం..
మాజీ ఎన్బీఏ ఆటగాడు థర్ల్ బైలీతో కలిసి గత 20 ఏళ్లుగా పలు సేవా కార్యక్రమాల్లో గుల్లో పాల్గొంటున్నారు. భిన్నమైన నేపథ్యాలు ఉన్నా ఇద్దరి మధ్య ఏర్పడిన స్నేహం.. సేవ మనుషులను ఎలా కలుపుతుందో చూపిస్తుంది. యువత కోసం పనిచేసే జేసీస్ సంస్థ తనలోని అంతర్ముఖ స్వభావాన్ని అధిగమించేందుకు, నాయకత్వం, టీమ్వర్క్, సామాజిక సేవ నేర్చుకునేందుకు ఎంతో ఉపయోగపడిందని గుల్లో చెబుతారు.
ఇదే ఆయన దృష్టిలో అమెరికన్ డ్రీమ్..
పేదరికంలో పుట్టిన ఓ బాలుడు.. 54 రెస్టారెంట్లను నిర్మించిన వ్యాపారవేత్తగా ఎదిగారు. కానీ సంపదను తన విజయానికి కొలమానంగా ఎప్పుడూ చూడలేదు. తాను ఎదిగిన తర్వాత తనలాంటి వారికి అవకాశాలు కల్పించడమే తన అమెరికన్ డ్రీమ్ అని భావించారు. పిల్లలు, కుటుంబాలు, సమాజానికి అండగా నిలుస్తూ.. తన జీవితాన్ని ఇతరుల కోసం ఉపయోగిస్తున్నారు. తనను తాను పైకి తీసుకోవడం విజయంలో ఒక భాగమైతే.. తనతో పాటు మరొకరిని పైకి తీసుకెళ్లడమే అసలైన విజయం అన్న సందేశాన్ని జాన్ గుల్లో జీవితం చెబుతోంది.
బర్గర్ కింగ్లో చిన్న ఉద్యోగం నుంచి..
న్యూయార్క్లోని బఫెలోలో పేదరికంలో పెరిగిన గుల్లో.. హైస్కూల్ విద్యను కూడా అతి కష్టంగా పూర్తి చేశారు. 1971లో బర్గర్ కింగ్లో చేరి, అక్కడ నైట్ మేనేజర్గా మొదలుపెట్టి క్రమంగా ఈస్ట్ కోస్ట్లో డిస్ట్రిక్ట్ మేనేజర్ స్థాయికి ఎదిగారు. ఆ తర్వాత ఓ భాగస్వామితో కలిసి స్వంత ఫ్రాంచైజీలు ప్రారంభించే అవకాశం వచ్చింది. 1977లో యూటాలోని లోగన్లో ఆ రాష్ట్రంలో రెండో బర్గర్ కింగ్ ఫ్రాంచైజీని ప్రారంభించారు. ఆ తర్వాత రివర్డేల్లో మరో రెస్టారెంట్ పెట్టారు. అలా ఒక్కో ఏడాది ఒకటి చొప్పున ఫ్రాంచైజీలు పెంచుకుంటూ చివరకు యూటా, విస్కాన్సిన్, అరిజోనాలో 54 రెస్టారెంట్లు స్థాపించారు.
డబ్బు కంటే సేవే ముఖ్యం..
కాలక్రమంలో ఆయన స్వయంగా రెస్టారెంట్ల రోజువారీ కార్యకలాపాల్లో ఉండటం తగ్గిపోయింది. ముఖ్యంగా అక్కడ పనిచేసే యువతతో నేరుగా కలసి పనిచేసే అవకాశం తగ్గడంతో ఆయనకు అసంతృప్తి కలిగింది. పిల్లలతో, యువతతో పనిచేయడం తనకు ఎంతో ఇష్టమని గుర్తించిన గుల్లో.. అందుకే రెస్టారెంట్లను విక్రయించి సేవా కార్యక్రమాలు, యువతకు మార్గనిర్దేశం చేయడంపై పూర్తిగా దృష్టి పెట్టారు. రెస్టారెంట్లను విక్రయించిన తర్వాత గుల్లోకు కొత్త ఆలోచన వచ్చింది. పిల్లలకు మార్గనిర్దేశం చేయడం, సమాజానికి తిరిగి ఇవ్వడంపై దృష్టి పెట్టారు. 2002లో అమెరికన్ డ్రీమ్ ఫౌండేషన్ను ప్రారంభించారు. గత 25 ఏళ్లలో పిల్లలు, కుటుంబాలు, తరగతి గదులు, అగ్నిమాపక సిబ్బంది, దివ్యాంగులకు సేవలందించే కార్యక్రమాలకు 20 లక్షల డాలర్లకుపైగా విరాళాలు అందించారు.
తన కథనే పాఠంగా మార్చి..
తన జీవిత అనుభవాలను ‘ఎక్స్ట్రార్డినరీ అడ్వెంచర్స్ ఆఫ్ యాన్ ఆర్డినరీ మ్యాన్’ అనే పుస్తకంగా రాశారు. రచయిత్రి బ్రిడ్జెట్ కుక్-బర్చ్తో కలిసి రూపొందించిన ఈ పుస్తకంలో తన ప్రయాణంతో పాటు యువతకు ఉపయోగపడే జీవిత పాఠాలను చెప్పారు. తప్పుల నుంచి నేర్చుకోవడం, అవకాశాలను గుర్తించడం, సరైన సమయంలో చర్య తీసుకోవడం వంటి విషయాలను ఇందులో వివరించారు. ఈ పుస్తకం ద్వారా వచ్చే మొత్తాన్ని కూడా సేవా కార్యక్రమాలకే అందిస్తున్నారు.
గుండె సమస్య తర్వాత కొత్త మలుపు..
2008లో గుల్లోకు బైపాస్ సర్జరీ జరిగింది. ఆ సమయంలో పికిల్బాల్ ఆడటం ప్రారంభించారు. ఆ ఆటతో 100 పౌండ్ల బరువు తగ్గారు. అంతటితో ఆగలేదు. ఉత్తర యూటాలో పికిల్బాల్ను ప్రాచుర్యంలోకి తీసుకెళ్లేందుకు కృషి చేశారు. వందలాది కోర్టుల నిర్మాణానికి సహకరించారు. ప్రొఫెషనల్ పికిల్బాల్ ఫెడరేషన్ను స్థాపించారు. టోర్నమెంట్ ఆఫ్ ఛాంపియన్స్ను కూడా నిర్వహించారు. 2024లో పికిల్బాల్ హాల్ ఆఫ్ ఫేమ్లో చోటు సంపాదించారు.
మనుషులను కలపడమే లక్ష్యం..
మాజీ ఎన్బీఏ ఆటగాడు థర్ల్ బైలీతో కలిసి గత 20 ఏళ్లుగా పలు సేవా కార్యక్రమాల్లో గుల్లో పాల్గొంటున్నారు. భిన్నమైన నేపథ్యాలు ఉన్నా ఇద్దరి మధ్య ఏర్పడిన స్నేహం.. సేవ మనుషులను ఎలా కలుపుతుందో చూపిస్తుంది. యువత కోసం పనిచేసే జేసీస్ సంస్థ తనలోని అంతర్ముఖ స్వభావాన్ని అధిగమించేందుకు, నాయకత్వం, టీమ్వర్క్, సామాజిక సేవ నేర్చుకునేందుకు ఎంతో ఉపయోగపడిందని గుల్లో చెబుతారు.
ఇదే ఆయన దృష్టిలో అమెరికన్ డ్రీమ్..
పేదరికంలో పుట్టిన ఓ బాలుడు.. 54 రెస్టారెంట్లను నిర్మించిన వ్యాపారవేత్తగా ఎదిగారు. కానీ సంపదను తన విజయానికి కొలమానంగా ఎప్పుడూ చూడలేదు. తాను ఎదిగిన తర్వాత తనలాంటి వారికి అవకాశాలు కల్పించడమే తన అమెరికన్ డ్రీమ్ అని భావించారు. పిల్లలు, కుటుంబాలు, సమాజానికి అండగా నిలుస్తూ.. తన జీవితాన్ని ఇతరుల కోసం ఉపయోగిస్తున్నారు. తనను తాను పైకి తీసుకోవడం విజయంలో ఒక భాగమైతే.. తనతో పాటు మరొకరిని పైకి తీసుకెళ్లడమే అసలైన విజయం అన్న సందేశాన్ని జాన్ గుల్లో జీవితం చెబుతోంది.
