ప్రభాస్ 'రాజాసాబ్ 'నుంచి ట్రైలర్ 2.0... ఇది మరో లెవెల్!
- ప్రభాస్ 'ది రాజాసాబ్' సినిమా నుంచి కొత్త ట్రైలర్ విడుదల
- భారీ విజువల్ ఎఫెక్ట్స్, గ్రాండ్ సెట్స్తో ఆకట్టుకుంటున్న ట్రైలర్
- హారర్, కామెడీ, రొమాన్స్ అంశాలతో కూడిన ఎంటర్టైనర్గా చిత్రం
- 2026 సంక్రాంతి కానుకగా జనవరి 9న ప్రపంచవ్యాప్త రిలీజ్
దర్శకుడు మారుతి తనదైన మార్క్ ఎంటర్టైన్మెంట్తో ఈ సినిమాను తీర్చిదిద్దినట్లు ట్రైలర్ను బట్టి అర్థమవుతోంది. "నువ్వు ఒంటరివి కావు" అనే ట్యాగ్లైన్తో మొదలైన ఈ వీడియో, ప్రేక్షకులకు ఓ కొత్త అనుభూతిని ఇస్తానని హామీ ఇస్తోంది. ప్రభాస్ వింటేజ్ లుక్స్, కామెడీ టైమింగ్ ఆకట్టుకుంటున్నాయి. తమన్ అందించిన నేపథ్య సంగీతం ట్రైలర్కు ప్రధాన ఆకర్షణగా నిలిచింది.
పీపుల్ మీడియా ఫ్యాక్టరీ పతాకంపై టీజీ విశ్వ ప్రసాద్ ఈ చిత్రాన్ని నిర్మిస్తున్నారు. ప్రభాస్ సరసన మాళవికా మోహనన్, నిధి అగర్వాల్, రిధి కుమార్ హీరోయిన్లుగా నటిస్తున్నారు. బాలీవుడ్ ప్రముఖ నటులు సంజయ్ దత్, బోమన్ ఇరానీ కీలక పాత్రల్లో కనిపించనున్నారు. తెలుగుతో పాటు హిందీ, తమిళ్, కన్నడ, మలయాళ భాషల్లో ఈ సినిమా ప్రపంచవ్యాప్తంగా గ్రాండ్గా విడుదల కానుంది.
