హిందీలో పుష్ప-2 అస్సలు తగ్గట్లేదు.. శనివారం రికార్డు స్థాయి కలెక్షన్లు

అల్లు అర్జున్, రష్మిక మందన్న, ఫహాద్ ఫాజిల్ ప్రధాన పాత్రల్లో, దర్శకుడు సుకుమార్ తెరకెక్కించిన పుష్ప-2 కలెక్షన్ల సునామీ కొనసాగుతోంది. ముఖ్యంగా హిందీ వెర్షన్‌లో ఈ సినిమా అప్రతిహతంగా దూసుకెళుతోంది. శనివారం ఒక్క రోజే రికార్డు స్థాయిలో రూ.46.50 కోట్లు వసూలు చేసింది. దీంతో హిందీ వెర్షన్‌లో కేవలం 10 రోజుల్లోనే రూ.500 కోట్ల క్లబ్‌లో పుష్ప-2 అడుగుపెట్టింది. జవాన్, స్త్రీ2, గదర్2, పఠాన్, బాహుబలి2, యానిమల్ సినిమాలను అధిగమించి మరీ అత్యంత వేగంగా పుష్ప-2 ఈ రికార్డు నెలకొల్పింది.

శుక్రవారం రూ.27.50 కోట్లు, శనివారం ఏకంగా రూ.46.50 కోట్లతో కలుపుకొని మొత్తం రూ.507.50 కోట్లు వసూలు చేసింది. ఈ విషయాన్ని బాలీవుడ్ సినీ విశ్లేషకుడు, విమర్శకుడు తరణ్ ఆదర్శ్ సోషల్ మీడియా వేదికగా ప్రకటించారు.

బాలీవుడ్‌లో రెండవ శనివారం అత్యధిక వసూళ్లు (రూ.46.50 కోట్లు) రాబట్టిన చిత్రంగా కూడా పుష్ప-2 నిలిచింది. అంతకుముందు స్త్రీ2 మూవీ రూ. 33.80 కోట్లు, గదర్2 రూ. 31.07 కోట్లు, జవాన్ రూ. 31.07 కోట్లు, జవాన్ 30.10 కోట్లు, బాహుబలి-2 రూ.26.50 కోట్లు, ది కశ్మీర్ ఫైల్స్ రూ.24.80 కోట్లు, దంగల్ రూ.23.07 కోట్లు, పఠాన్ రూ.22.50 కోట్లు వసూలు చేయగా.. వాటన్నింటినీ పుష్ప-2 దాటేసింది.