'కుబేర' ఫస్ట్ గ్లింప్స్ షేర్ చేసిన మహేశ్ బాబు

నాగార్జున, ధనుష్ ప్రధాన పాత్రల్లో శేఖర్ కమ్ముల దర్శకత్వంలో వస్తున్న చిత్రం కుబేర. పేరుకు తగ్గట్టే ఈ చిత్రం ఇతివృత్తం డబ్బు చుట్టూ తిరుగుతుందన్న విషయం ఇప్పటికే పలు అప్ డేట్ల ద్వారా వెల్లడైంది. నేడు ఈ చిత్రం నుంచి ఫస్ట్ గ్లింప్స్ విడుదల చేశారు. ఈ గ్లింప్స్ వీడియోను టాలీవుడ్ సూపర్ స్టార్ మహేశ్ బాబు కూడా తన సోషల్ మీడియా ఖాతాలో పంచుకోవడం విశేషం. 

యాక్షన్, డ్రామా, సినిమాటోగ్రఫీల మేళవింపే ఈ కుబేర సినిమా అని మహేశ్ బాబు అభివర్ణించారు. ఈ సందర్భంగా ఆయన చిత్ర బృందానికి ఆల్ ది బెస్ట్ చెప్పారు. తెలుగు, తమిళం, కన్నడ, మలయాళం, హిందీ భాషల్లో రానున్న ఈ చిత్రంలో రష్మిక మందన్న కూడా నటిస్తోంది. జిమ్ సర్భ్ కీలక పాత్ర పోషిస్తున్నాడు.