సీనియర్ నటుడు నరేశ్ కు 'సర్' బిరుదు ప్రదానం చేసిన ఐరాస అనుబంధ సంస్థ
- కౌంటర్ టెర్రరిజంపై నరేశ్ ప్రసంగాలు
- అంతర్జాతీయ వేదికలపై ఉపన్యాసాలు
- ఫిలిప్పీన్స్ లో 5వ వరల్డ్ కాంగ్రెస్ సమావేశాలు
- నరేశ్ కు విశిష్ట మెడల్ ప్రదానం చేసిన అంబాసిడర్ జనరల్ సర్ దివాకర్ చంద్ర సర్కార్
ఐఎస్ సీఏహెచ్ఆర్ సంస్థ ఐక్యరాజ్యసమితి అనుబంధ సంస్థ. ఇది నాటో, యూరోపియన్ యూనియన్, అమెరికా, తదితర దేశాల గుర్తింపు ఉన్న సంస్థ కూడా. క్వెజాన్ సిటీలో జరిగిన కార్యక్రమంలో నరేశ్ కు 'సర్' బిరుదుకు సంబంధించిన మెడల్ ను అంబాసిడర్ జనరల్ సర్ దివాకర్ చంద్ర సర్కార్ బహూకరించారు. ఈ ఘనత అనంతరం ఇక నుంచి నరేశ్ పేరు ముందు అంబాసిడర్ లెఫ్టినెంట్ కల్నల్ సర్... అనే హోదా చేరుతుంది.
దీనిపై నరేశ్ ఎంతో సంతోషం వ్యక్తం చేశారు. కౌంటర్ టెర్రరిజం అంశంపై తన ఉపన్యాసాలకు గుర్తింపుగా 'సర్' బిరుదును ఇవ్వడం పట్ల కృతజ్ఞతలు తెలుపుకుంటున్నట్టు వెల్లడించారు.
