పుస్తకాలు కొనుక్కోవడానికి డబ్బుల్లేక కష్టాలు పడ్డాను: 'సార్' ఈవెంటులో సాయికుమార్

ధనుశ్ హీరోగా తెలుగు .. తమిళ భాషల్లో ఒక సినిమా రూపొందింది. తెలుగులో 'సార్' టైటిల్ తోను .. తమిళంలో 'వాతి' టైటిల్ తోను ఈ సినిమాను ఈ నెల 17వ తేదీన విడుదల చేస్తున్నారు. వెంకీ అట్లూరి దర్శకత్వం వహించిన ఈ సినిమా తెలుగు వెర్షన్ కి సంబంధించిన ప్రీ రిలీజ్ ఈవెంటును, హైదరాబాదు .. నెక్ లెస్ రోడ్ లోని 'పీపుల్స్ ప్లాజా'లో నిర్వహించారు.

త్రివిక్రమ్ .. తమన్ ముఖ్య అథితులుగా హాజరయ్యారు. ఈ సినిమాలో కీలకమైన పాత్రను పోషించిన సాయికుమార్ మాట్లాడుతూ .. "నేను కష్టాల్లో పుట్టాను .. కష్టాల్లో పెరిగాను. నేను చదువుకునే రోజుల్లో పుస్తకాలు కొనుక్కోవడానికి కూడా డబ్బులు ఉండేవి కాదు. అలాంటి పరిస్థితులను చూడటం వల్లనే ఈ కథకి కనెక్ట్ అయ్యాను" అన్నారు. 

"ధనుశ్ చాలా గొప్ప ఆర్టిస్ట్ .. షాట్ రెడీ అనగానే తనలోని నటుడు బయటికి వస్తాడు. ఆయనతో కలిసి నటించడం అదృష్టంగా భావిస్తున్నాను. ఈ సినిమాలో కథాకథనాలు .. డైలాగ్స్ .. పాటలు .. ఫైట్లు అన్నీ కూడా ఒకదానికి మించి మరొకటి ఉంటాయి. ఫ్యామిలీ ఆడియన్స్ .. యూత్ తో పాటు, గురువులు .. స్టూడెంట్స్ తప్పక చూడవలసిన సినిమా ఇది" అని చెప్పుకొచ్చారు.