'తలైవి' నుంచి ఎంజీఆర్ గా అరవింద్ స్వామి ఫస్టులుక్

అందాల కథానాయికగా .. రాజకీయాల్లో తిరుగులేని నాయకురాలిగా జయలలిత జీవితంలో అనేకమైన అనూహ్యమైన మలుపులు వున్నాయి. అలాంటి జయలలిత బయోపిక్ ను దర్శకుడు ఏఎల్ విజయ్ 'తలైవి' టైటిల్ తో రూపొందిస్తున్నాడు. విష్ణువర్ధన్ .. శైలేశ్ నిర్మిస్తున్న ఈ సినిమాలో ప్రధాన పాత్రధారిగా కంగన నటిస్తోంది. శిక్షణ తీసుకుని మరీ కంగన ఈ పాత్రను పోషిస్తోంది.

సినిమాల పరంగాను .. రాజకీయాల పరంగాను ఎంజీఆర్ తో కలిసి జయలలిత ఎక్కువ దూరం ప్రయాణం చేశారు. అందువలన ఈ సినిమాలో ఎంజీఆర్ పాత్ర కూడా కీలకమే. ఈ కారణంగానే ఈ పాత్రకి అరవింద్ స్వామిని తీసుకున్నారు. ఈ రోజున ఎంజీఆర్ జయంతి కావడంతో ఈ సందర్భాన్ని పురస్కరించుకుని, ఈ సినిమా నుంచి ఎంజీఆర్ గా అరవిందస్వామి ఫస్టు లుక్ ను విడుదల చేశారు. ఈ లుక్ లో ఎంజీఆర్ ను తలపిస్తూ అరవింద్ స్వామి ఆశ్చర్యచకితులను చేస్తున్నాడు.