చివరికి 'రూలర్' టైటిల్ నే ఖరారు చేసేశారన్న మాట!

బాలకృష్ణ కథానాయకుడిగా కేఎస్ రవికుమార్ దర్శకత్వంలో ఒక యాక్షన్ ఎంటర్టైనర్ రూపొందుతోంది. సి.కల్యాణ్ నిర్మిస్తున్న ఈ సినిమాలో సోనాల్ చౌహన్ .. వేదిక కథానాయికలుగా అలరించనున్నారు. డిఫరెంట్ లుక్ తో బాలకృష్ణ కనిపించనున్న ఈ సినిమాకి 'రూలర్' అనే టైటిల్ ను పరిశీలిస్తున్నట్టుగా వార్తలు వచ్చాయి. కానీ అధికారికంగా ఇంతవరకూ ప్రకటించలేదు.

అయితే ఈ సినిమా శాటిలైట్ రైట్స్ ను సొంతం చేసుకున్న జెమినీ టీవీ వారు, తాజాగా ఆ విషయాన్ని ట్విట్టర్ ద్వారా తెలియజేస్తూ టైటిల్ 'రూలర్' అనే సంగతిని చెప్పేశారు. టైటిల్ గురించిన అధికారిక ప్రకటన వెలువడకుండానే జెమినీ టీవీవారు ఇలా అత్యుత్సాహాన్ని ప్రదర్శించడం పట్ల బాలయ్య అభిమానులు మండిపడుతున్నారు.