సరైన హిట్ కోసం ఎదురుచూస్తున్నాను: హీరో ప్రిన్స్

హీరోగా చిన్న సినిమాలు చేస్తూ వెళుతూ, 'బిగ్ బాస్' సీజన్ వన్ తో ప్రిన్స్ మరింత గుర్తింపు తెచ్చుకున్నాడు. తాజా ఇంటర్వ్యూలో ఆయన మాట్లాడుతూ, 'బిగ్ బాస్' చేయడానికి ముందే ప్రేక్షకులు నన్ను వెండితెరపై చూశారు. 'బిగ్ బాస్' చేశాక, అసలు ప్రిన్స్ అనేవాడి స్వభావం ఎలా ఉంటుందనేది ఇంటింటికీ తెలిసిపోయింది. ఒక వైపున కథలు వింటూనే నన్ను నేను తీర్చిదిద్దుకుంటున్నాను. 

సరైన హిట్ కొట్టాలనే ఉద్దేశంతో కథల విషయంలో చాలా జాగ్రత్తలు తీసుకుంటున్నాను. రెండు సినిమాలకి సైన్ చేశాను .. రెండు వెబ్ సిరీస్ లు చేస్తున్నాను. ఇటీవల కాలంలో వెబ్ సిరీస్ లు జనంలోకి బాగా వెళుతున్నాయి. అందువలన ఒక వైపున సినిమాలు చేస్తూనే మరో వైపున వెబ్ సిరీస్ లు కూడా చేస్తూ వెళ్లాలని నిర్ణయించుకున్నాను. గతంలో ఒకసారి హోస్ట్ గా కూడా చేశాను. ఆ రోజుల్లో నా మిగతా పనులకి సంబంధించిన ప్లానింగ్ దెబ్బతింది. అందువలన ఎప్పుడైనా ఒకసారి తప్ప కంటిన్యూగా హోస్టింగ్ చేయదలచుకోలేదు" అని చెప్పుకొచ్చాడు.