'అర్జున్ రెడ్డి' హిందీ రీమేక్ నుంచి టీజర్ రిలీజ్ .. డోస్ పెంచిన సందీప్ వంగా

తెలుగులో విజయ్ దేవరకొండ కథానాయకుడిగా సందీప్ రెడ్డి వంగా దర్శకత్వంలో తెరకెక్కిన 'అర్జున్ రెడ్డి' సంచలన విజయాన్ని సొంతం చేసుకుంది. దర్శకుడిగా సందీప్ రెడ్డి వంగా సత్తాను ఈ సినిమా చాటి చెప్పింది. ఇదే సినిమాను హిందీలో 'కబీర్ సింగ్' టైటిల్ తో .. షాహిద్ కపూర్ హీరోగా సందీప్ రెడ్డి రూపొందిస్తున్నాడు. ఇప్పటికే చాలా వరకూ చిత్రీకరణను పూర్తిచేసుకున్న ఈ సినిమాలో, కథానాయికగా కైరా అద్వాని నటిస్తోంది.

తాజాగా ఈ సినిమా నుంచి టీజర్ ను రిలీజ్ చేశారు. దర్శకుడు సందీప్ రెడ్డి .. బాలీవుడ్ ప్రేక్షకుల అభిరుచికి తగినట్టుగా, మరికొంత డోస్ పెంచినట్టు ఈ టీజర్ ను చూస్తే అర్థమవుతోంది. కైరా అద్వాని మరింత గ్లామరస్ గా కనిపిస్తోంది. జూన్ 21వ తేదీన ఈ సినిమాను భారీస్థాయిలో విడుదల చేయనున్నారు. హిందీలోనూ ఈ సినిమా సంచలన విజయాన్ని సొంతం చేసుకుంటుందేమో చూడాలి