రవితేజతో మరోమారు జోడీ కడుతోన్న కాజల్

ప్రస్తుతం రవితేజ వరుస పరాజయాలతో వున్నాడు. ఈ ఏడాది తప్పకుండా హిట్లు కొట్టాలనే పట్టుదలతో ఆయన రెండు సినిమాలతో ప్రేక్షకుల ముందుకు రావడానికి రెడీ అవుతున్నాడు. ఒక వైపున వీఐ ఆనంద్ దర్శకత్వంలో 'డిస్కో రాజా' సెట్స్ పై ఉండగానే దర్శకుడు సంతోష్ శ్రీనివాస్ కి కూడా రవితేజ గ్రీన్ సిగ్నల్ ఇచ్చేశాడు. తమిళంలో విజయ్ హీరోగా చేసి హిట్ కొట్టిన 'తెరి' సినిమాకి ఇది రీమేక్.

ఈ సినిమాకి 'కనకదుర్గ' అనే టైటిల్ ను పరిశీలిస్తున్నారు. దాదాపు ఇదే టైటిల్ ను ఖరారు చేయవచ్చని అంటున్నారు. కథాపరంగా ఈ సినిమాలో ఇద్దరు నాయికలు వుంటారు. ఒక కథానాయికగా ఇంతకుముందే కేథరిన్ ను తీసుకున్నారు. మరో కథానాయికగా కాజల్ ను ఎంపిక చేసుకున్నారనేది తాజా సమాచారం. గతంలో ఈ ఇద్దరి కాంబినేషన్లో 'సారొచ్చారు' అనే సినిమా వచ్చిన సంగతి తెలిసిందే. తాజా చిత్రం త్వరలోనే సెట్స్ పైకి వెళ్లనుంది.