'సైరా'లో చేసే ఛాన్స్ వుంది: ప్రగ్యా జైస్వాల్

విష్ణు కథానాయకుడిగా నాగేశ్వర రెడ్డి దర్శకత్వంలో 'ఆచారి అమెరికా యాత్ర' రూపొందింది. ప్రగ్యా జైస్వాల్ కథానాయికగా నటించిన ఈ సినిమా, ఈ శుక్రవారం ప్రేక్షకుల ముందుకు రానుంది. ఈ సినిమాలో తాను ఎన్ ఆర్ ఐ పాత్రలో కనిపిస్తాననీ, సినిమా చూస్తున్నంత సేపు ఆడియన్స్ పడి పడి నవ్వడం ఖాయమని చెప్పింది.

ఈ సందర్భంలోనే ఆమె 'సైరా' ప్రస్తావన తీసుకొచ్చింది. ఈ సినిమాలో తాను నటించే అవకాశాలు ఎక్కువగా ఉన్నాయని అంది. త్వరలో ఈ విషయాన్ని అధికారికంగా ప్రకటిస్తానని చెప్పింది. 'సైరా'లో ముగ్గురు కథానాయికలు వుండనున్నట్టుగా ఆరంభంలోనే చెప్పారు. ఒక కథానాయికగా నయనతార నటిస్తోన్న సంగతి తెలిసిందే. మిగతా ఇద్దరు కథానాయికలలో ఒకరుగా ప్రగ్యా జైస్వాల్ చేయనుందా? లేదంటే కీలక పాత్ర ఏదైనా చేయనుందా? అనేది చూడాలి.