తమిళంలోను 'భరత్ అనే నేను' జోరు!

మహేశ్ బాబు హీరోగా ఈ నెల 20వ తేదీన ప్రపంచవ్యాప్తంగా 'భరత్ అనే నేను' ప్రేక్షకుల ముందుకు వచ్చింది. తెలుగు రాష్ట్రాల్లోనే కాదు .. తమిళంలోను ఈ సినిమా తన జోరు చూపిస్తోంది. 'భరత్ అనే నేను' తెలుగు వెర్షన్ ఇప్పటివరకూ అక్కడ 2 కోట్ల వరకూ వసూళ్లను రాబట్టడం విశేషం. 'బాహుబలి' తెలుగు వెర్షన్ కి కూడా అక్కడ ఈ స్థాయిలో వసూళ్లు రాలేదట.

కోలీవుడ్లో సమ్మె తరువాత ఈ సినిమా థియేటర్లకు రావడం బాగా కలిసొచ్చింది. ఈ సినిమాకి ముందు మహేశ్ చేసిన 'స్పైడర్' మూవీ కారణంగా, అక్కడి ప్రేక్షకులకు ఆయన బాగా తెలిశాడు. ఆ సినిమా ఆశించిన స్థాయి విజయాన్ని అందుకోకపోయినా, మహేశ్ కి మంచి మార్కులు దక్కాయి. 'స్పైడర్' సమయంలో అక్కడి జనంలోకి మహేశ్ వెళ్లడం వల్లనే, ఈ సినిమా అక్కడ భారీ వసూళ్లను రాబడుతోందనే అభిప్రాయాలను వ్యక్తం చేస్తున్నారు.