Hari Hara Veera Mallu: 'హ‌రిహ‌ర వీర‌మ‌ల్లు' నుంచి ఫ‌స్ట్ సింగిల్ వ‌చ్చేసింది!
- ప‌వ‌న్ కల్యాణ్, జ్యోతి కృష్ణ కాంబోలో 'హ‌రిహ‌ర వీర‌మ‌ల్లు'
- మూవీలోని ఫ‌స్ట్ సింగిల్ 'మాట వినాలి' అంటూ సాగే పాట విడుద‌ల
- ఈ సాంగ్‌ను పాడిన ప‌వ‌న్ కల్యాణ్
- ఆస్కార్ అవార్డు గ్ర‌హీత ఎంఎం కీర‌వాణి సంగీతం
- మార్చి 28న ప్ర‌పంచ‌వ్యాప్తంగా విడుద‌ల కానున్న సినిమా
ప‌వ‌ర్‌స్టార్ ప‌వ‌న్ కల్యాణ్ హీరోగా జ్యోతి కృష్ణ ద‌ర్శ‌క‌త్వం వ‌స్తున్న తాజా చిత్రం 'హ‌రిహ‌ర వీర‌మ‌ల్లు'. ఈ మూవీలోని ఫ‌స్ట్ సింగిల్ 'మాట వినాలి' అంటూ సాగే పాటను తాజాగా మేక‌ర్స్ విడుద‌ల చేశారు.
కాగా, ఈ పాటను ప‌వ‌న్ పాడడం విశేషం. తాజాగా విడుద‌లైన సాంగ్‌లో వీర‌మ‌ల్లు మాట వినాలి... అంటూ ప‌వ‌న్ గొంతు మ‌రోసారి అంద‌రిలో జోష్ నింప‌డం ఖాయంగా క‌నిపిస్తోంది. ఈ పాటను ఈ నెల 6న విడుద‌ల చేస్తామని గ‌తంలో మేక‌ర్స్ ప్ర‌క‌టించారు. కానీ, వాయిదా ప‌డింది.
సంక్రాంతి కానుక‌గా 14న సాంగ్ ప్రోమోను రిలీజ్ చేసిన చిత్ర బృందం, పూర్తి పాటను ఈ నెల 17న రిలీజ్ చేస్తున్న‌ట్లు ప్ర‌క‌టించారు. ఇక గ‌తంలో నాలుగైదు చిత్రాల్లో పాట‌లు పాడిన ప‌వ‌న్ మ‌ళ్లీ చాలా గ్యాప్ త‌ర్వాత ఈ సినిమాలో పాట పాడ‌డంతో ఫ్యాన్స్‌ ఫుల్ ఖుషీ అవుతున్నారు.
ప‌వ‌న్ స‌ర‌స‌న హీరోయిన్‌గా నిధి అగ‌ర్వాల్ న‌టిస్తున్నారు. ఈ మూవీకి ఆస్కార్ అవార్డు విజేత ఎంఎం కీర‌వాణి సంగీతం అందిస్తున్నారు. మార్చి 28న ఈ సినిమా ప్ర‌పంచ‌వ్యాప్తంగా విడుద‌ల కానుంది.
