బాలకృష్ణ ముఖ్య అతిథిగా 'గ్యాంగ్స్ ఆఫ్ గోదావరి' ప్రీ రిలీజ్ ఈవెంట్!

విష్వక్సేన్ కథానాయకుడిగా 'గ్యాంగ్స్ ఆఫ్ గోదావరి' సినిమా రూపొందింది. ఈ కథ గోదావరి తీరప్రాంతంలో నడుస్తుందనే విషయం టైటిల్ ను బట్టే తెలిసిపోతోంది. నేహాశెట్టి కథానాయికగా నటించిన ఈ సినిమాకి, కృష్ణచైతన్య దర్శకత్వం వహించాడు. సూర్యదేవర నాగవంశీ - సాయిసౌజన్య నిర్మించిన ఈ సినిమా, ఈ నెల 31వ తేదీన విడుదల కానుంది.

ఈ నేపథ్యంలో ఈ సినిమా ప్రీ రిలీజ్ ఈవెంటుకి ముహూర్తాన్ని ఖాయం చేసుకున్నారు. హైదరాబాద్ - మాదాపూర్ ఎన్ కన్వెన్షన్ లో రేపు ఈ వేడుకను నిర్వహించనున్నారు.  బాలకృష్ణ ముఖ్య అతిథిగా రేపు సాయంత్రం 6 గంటల నుంచి ఈ వేడుక మొదలవుతుంది. అందుకు సంబంధించిన పోస్టర్ ను కొంతసేపటి క్రితం రిలీజ్ చేశారు. 

మాస్ ఆడియన్స్ లో విష్వక్ కి మంచి ఇమేజ్ ఉంది. అందుకు తగిన విధంగానే ఇసుక మాఫియా నేపథ్యంలో ఈ కథను రాసుకున్నారు. మాటలు .. పాటలు కూడా విష్వక్ మార్క్ లోనే ఉంటాయి. యూత్ లో నేహా శెట్టికి ఉన్న క్రేజ్ గురించి ప్రత్యేకంగా చెప్పుకోవలసిన అవసరం లేదు. ఈ జోడీగా గట్టిగానే సందడి చేస్తుందనే టాక్ బలంగా వినిపిస్తోంది.