Samantha: డల్లాస్ లో 'ఖుషి' ప్రీరిలీజ్ ఈవెంట్ లో సమంత సందడి.. వీడియో ఇదిగో!
![Samantha in Khushi pre release event in Dallas](https://imgb.ap7am.com/thumbnail/cr-20230901tn64f17f9c54fd5.jpg)
- ఈరోజు ప్రపంచ వ్యాప్తంగా రిలీజైన 'ఖుషి'
- తొలి షో నుంచే హిట్ టాక్ తెచ్చుకున్న మూవీ
- యూఎస్ బాక్సాఫీస్ వద్ద ఈ సినిమా టాప్ 10లో ఉండాలన్న సమంత
అందాల ముద్దుగుమ్మ సమంత, హీరో విజయ్ దేవరకొండ జంటగా నటించిన 'ఖుషి' సినిమా ఈ రోజు ప్రపంచ వ్యాప్తంగా విడుదలయింది. భారత కాలమానం ప్రకారం అమెరికాలో రాత్రి 12.30 గంటలకు ప్రీమియర్ షోలు పడిపోయాయి. తొలి షో నుంచే ఈ సినిమా హిట్ టాక్ ను తెచ్చుకుంది. మరోవైపు సమంత గత కొన్ని రోజులుగా అమెరికాలో ఉన్న సంగతి తెలిసిందే.
ఈ క్రమంలో డల్లాస్ లో నిర్వహించిన 'ఖుషి' ప్రీరిలీజ్ ఈవెంట్ లో సమంత సందడి చేసింది. ఈ సందర్భంగా సమంత మాట్లాడుతూ, స్వదేశాన్ని విడిచి ఇక్కడకు వచ్చినా మన సంస్కృతి, సంప్రదాయాలని కొనసాగిస్తున్నారని కొనియాడారు. ఈ చిత్రం యూఎస్ బాక్సాఫీస్ వద్ద టాప్ టెన్ లో ఉండాలని ఆమె ఆకాంక్షించారు.