'పొన్నియిన్ సెల్వన్ 2' రిలీజ్ డేట్ ఇదే!

'పొన్నియిన్ సెల్వన్'  .. మణిరత్నం దర్శకత్వంలో రూపొందిన చారిత్రక నేపథ్యం కలిగిన చిత్రం. లైకా ప్రొడక్షన్స్ వారు నిర్మించిన ఈ సినిమాలో విక్రమ్ .. ఐశ్వర్య రాయ్ .. కార్తి .. త్రిష .. జయం రవి ..  శరత్ కుమార్ .. పార్తీబన్ .. జయరామ్ తదితరులు నటించారు. చోళ రాజులకు .. పాండ్య రాజులకు మధ్య జరిగిన పోరాటమే ఈ సినిమా. 

ఈ ఏడాది సెప్టెంబర్ 30వ తేదీన ఈ సినిమా విడుదలైంది. తెలుగులో అంతగా కనెక్ట్ కాకపోయినా, తమిళంలో మాత్రం రికార్డుస్థాయి వసూళ్లను రాబట్టింది. ఈ నేపథ్యంలో ఈ సినిమా సెకండ్ పార్టు ఎప్పుడు థియేటర్స్ కి వస్తుందా అని అందరూ ఎంతో ఆసక్తికరంగా ఎదురుచూస్తున్నారు. 

ఈ నేపథ్యంలో తాజాగా ఈ సినిమా టీమ్ రెండో భాగానికి సంబంధించిన రిలీజ్ డేట్ ను ప్రకటించింది. 2023 .. ఏప్రిల్ 28వ తేదీన ఈ సినిమాను రిలీజ్ చేయనున్నారు. ఫస్టు పార్టు ముగిసిన దగ్గర నుంచే సెకండ్ పార్టు మొదలుకానుంది. ఏఆర్ రెహ్మాన్ సంగీతాన్ని సమకూర్చిన ఈ సినిమాపై భారీ అంచనాలు ఉన్నాయి.