Mohan Babu: త‌న‌పై సామాజిక మాధ్య‌మాల్లో వ‌స్తోన్న ట్రోలింగ్ ప‌ట్ల మోహన్ బాబు స్పంద‌న
- ట్రోలింగ్, మీమ్స్ చూసి చాలా బాధపడుతున్నాను
- ఇద్దరు హీరోలు ఈ ప‌ని చేయిస్తున్నారు
- 50-100 మందిని అపాయింట్‌ చేసుకుని ప్రతి ఒక్కరినీ ట్రోల్‌ చేయిస్తున్నారు
- ఆ హీరోలు ఎవరో తనకు తెలుసన్న మోహన్ బాబు
త‌న‌పై సామాజిక మాధ్య‌మాల్లో వ‌స్తోన్న ట్రోలింగ్ ప‌ట్ల ప్రముఖ సినీ న‌టుడు మోహన్ బాబు స్పందించారు. తాజాగా, ఆయ‌న ఓ ఇంట‌ర్వ్యూలో మాట్లాడుతూ... ట్రోలింగ్, మీమ్స్ చూసి చాలా బాధపడుతున్నాన‌ని చెప్పారు. అటువంటి వాటిని ప‌ట్టించుకోవాల్సిన అవసరం లేక‌పోయిన‌ప్ప‌టికీ మనిషిగా ఆత్మాభిమానం ఉంటుంది కాబ‌ట్టి కొన్ని విషయాల్లో బాధపడక తప్పదని చెప్పుకొచ్చారు. వ్యంగ్య ధోరణి కాస్త ఇబ్బందికరంగా ఉంటుందని ఆయ‌న తెలిపారు. తాను మామూలుగా అయితే వాటిని చూడనని, అయితే ఎవరన్నా పంపిస్తేనే చూస్తానని చెప్పారు.
ఈ సంద‌ర్భంగా ఇద్దరు హీరోల‌పై ఆయ‌న ఆరోప‌ణ‌లు చేశారు. ఆ ఇద్దరు హీరోల పేర్లు మాత్రం చెప్ప‌లేదు. ఆ ఇద్దరు హీరోలు 50-100 మందిని అపాయింట్‌ చేసుకుని ప్రతి ఒక్కరినీ ట్రోల్‌ చేయిస్తున్నారని ఆరోపించారు. ఆ హీరోలు ఎవరో తనకు తెలుసని అన్నారు. తాత్కాలికంగా వారు బాగుంటున్న‌ప్ప‌టికీ, ఏదో ఒక రోజు వారు శిక్ష అనుభవిస్తారని ఆయ‌న అన్నారు. ఎదుటివారిని బాధ‌పెట్టేలా మీమ్స్ ఉండ‌కూద‌ని చెప్పారు.
