'ఖిలాడీ' సినిమా రిలీజ్ కాకముందే దర్శకుడికి కోటి విలువైన కారు బహమతిగా ఇచ్చిన నిర్మాత

రవితేజ, డింపుల్ హయాతి, మీనాక్షి చౌదరి నటించిన చిత్రం 'ఖిలాడీ'. ఈ క్రైమ్ సస్పెన్స్ థ్రిల్లర్ చిత్రానికి రమేశ్ వర్మ దర్శకుడు. రాక్షసుడు చిత్రంతో తన ప్రతిభను చాటుకున్న రమేశ్ వర్మ... రవితేజతో ఖిలాడీ తెరకెక్కించాడు. ఈ చిత్రం ఫిబ్రవరి 11న ప్రేక్షకుల ముందుకు రానుంది.

అయితే, ఈ చిత్ర నిర్మాత కోనేరు సత్యనారాయణ దర్శకుడు రమేశ్ వర్మకు ఎంతో విలువైన కానుక ఇవ్వడం ఇండస్ట్రీలో టాక్ ఆఫ్ ద టౌన్ గా మారింది. రూ.1.15 కోట్ల విలువ చేసే రేంజ్ రోవర్ కారును రమేశ్ వర్మకు బహూకరించారు. 'ఖిలాడీ' సినిమా కచ్చితంగా హిట్ అవుతుందన్న ధీమా ఉంటేనే నిర్మాత అంత విలువైన బహుమతి ఇచ్చి ఉంటాడని సినీ వర్గాలు చర్చించుకుంటున్నాయి.