'గుడ్ లక్ సఖి' ప్రీరిలీజ్ ఈవెంట్ కు ముఖ్య అతిథిగా మెగాస్టార్ చిరంజీవి

కీర్తి సురేశ్ ప్రధానపాత్రలో నగేశ్ కుకునూర్ దర్శకత్వంలో రూపుదిద్దుకున్న చిత్రం 'గుడ్ లక్ సఖి'. రైఫిల్ షూటింగ్ క్రీడ బ్యాక్ డ్రాప్ లో ఈ చిత్రం తెరకెక్కింది. కాగా, ఈ సినిమా ప్రీ రిలీజ్ ఈవెంట్ జనవరి 26న హైదరాబాదులోని పార్క్ హయత్ హోటల్లో నిర్వహించనున్నారు. ఈ కార్యక్రమానికి మెగాస్టార్ చిరంజీవి ముఖ్య అతిథిగా వస్తున్నారు.

ఇక 'గుడ్ లక్ సఖి' చిత్రంలో ఆది పినిశెట్టి, జగపతిబాబు ఇతర ముఖ్యపాత్రల్లో నటించారు. ఈ చిత్రం జనవరి 28న ప్రేక్షకుల ముందుకు వస్తోంది. కాగా, చిరంజీవి ప్రస్తుతం మెహర్ రమేశ్ దర్శకత్వంలో 'భోళా శంకర్' చిత్రంలో నటిస్తున్నారు. కీర్తి సురేశ్ ఈ చిత్రంలో చిరు చెల్లెలి పాత్ర పోషిస్తోంది.