Rashmika Mandanna: సినిమా కబుర్లు.. సంక్షిప్త సమాచారం
- 'జాతిరత్నాలు' దర్శకుడితో రష్మిక?
- పవన్ సినిమాకి పవర్ ఫుల్ టైటిల్
- మైసూరులో నాగార్జున షూటింగ్
* తమిళ కథానాయకుడు శివకార్తికేయన్ సరసన అందాలతార రష్మిక కథానాయికగా నటించనున్నట్టు తెలుస్తోంది. 'జాతిరత్నాలు' ఫేమ్ అనుదీప్ దర్శకత్వంలో శివకార్తికేయన్ హీరోగా తెలుగు, తమిళ భాషల్లో ఓ చిత్రాన్ని నిర్మించడానికి సన్నాహాలు జరుగుతున్నాయి. ఇందులో రష్మిక కథానాయికగా నటించే అవకాశం ఉందని సమాచారం.
* ప్రస్తుతం 'భీమ్లా నాయక్', 'హరిహర వీరమల్లు' చిత్రాలలో నటిస్తున్న పవన్ కల్యాణ్ దీని తర్వాత హరీశ్ శంకర్ దర్శకత్వంలో తన తదుపరి చిత్రాన్ని చేయనున్నారు. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. కాగా, పూజ హెగ్డే కథానాయికగా నటించే ఈ చిత్రానికి 'భగత్ సింగ్' అనే టైటిల్ని పరిశీలిస్తున్నట్టు టాలీవుడ్ లో ప్రచారం జరుగుతోంది. ఇందులో వాస్తవమెంతన్నది త్వరలో తెలుస్తుంది.
* నాగార్జున హీరోగా కల్యాణ్ కృష్ణ దర్శకత్వంలో రూపొందుతున్న 'బంగార్రాజు' చిత్రం తాజా షెడ్యూలు షూటింగ్ మైసూర్ లో జరుగుతోంది. ప్రస్తుతం నాగార్జున, నాగ చైతన్య కాంబోలో కొన్ని సన్నివేశాలను చిత్రీకరిస్తున్నారు. ఇందులో నాగార్జున సరసన రమ్యకృష్ణ, చైతూకి జంటగా కృతిశెట్టి నటిస్తున్నారు.
