'ఆదిపురుష్' కోసం కొత్త విద్యను నేర్చుకోనున్న ప్రభాస్

ప్రభాస్ తదుపరి చిత్రం 'ఆదిపురుష్' ప్రకటన వెలువడిన వెంటనే ఆ చిత్రంపై భారీ అంచనాలు నెలకొన్నాయి. ఈ సినిమాకు సంబంధించి రకరకాల వార్తలు వస్తున్నాయి. ప్రభాస్ కు ప్రతినాయకుడి పాత్రలో సైఫ్ అలీఖాన్ నటించనున్నాడనే వార్తలు వచ్చాయి. ప్రభాస్ కు జోడీగా కీర్తి సురేశ్ నటించనుందనే వార్తలు కూడా వైరల్ అవుతున్నాయి. తాజాగా మరో వార్త బయటకు వచ్చింది.

ఈ సినిమా కోసం ప్రభాస్ విలువిద్యను నేర్చుకోబోతున్నాడని సమాచారం. తన పాత్రకు తగ్గట్టుగా శరీరాకృతిని మార్చుకోవాల్సి ఉంది. విలువిద్యలో ప్రభాస్ కు ట్రైనింగ్ ఇచ్చేందుకు థాయ్ లాండ్ నుంచి శిక్షకుడిని రప్పించే అవకాశం ఉందని  చెపుతున్నారు. ఈ సినిమాని బాలీవుడ్ దర్శకుడు ఓం రౌత్ తెరకెక్కిస్తున్నాడు. రూ. 350 కోట్ల బడ్జెట్ తో ఈ చిత్రం తెరకెక్కనున్నట్టు సమాచారం. మొత్తం ఐదు భాషల్లో సినిమా తెరకెక్కబోతోంది.