Prabhas: రూ. 350 కోట్ల బడ్జెట్ తో ప్రభాస్ మూవీ 'ఆదిపురుష్'.. టీజర్ విడుదల!
- ప్యాన్ ఇండియా స్టార్ గా ఎదిగిన ప్రభాస్
- ప్రభాస్ తో సినిమాలు చేయడానికి ఆసక్తి చూపుతున్న బాలీవుడ్
- ఓంరావుత్ దర్శకత్వంలో ప్రభాస్ కొత్త చిత్రం
టాలీవుడ్ హీరో ప్రభాస్ ఇప్పుడు ప్యాన్ ఇండియా స్టార్ గా మారిపోయాడు. 'బాహుబలి'తో ఇండియన్ ఫిల్మ్ రికార్డులన్నీ బద్దలు కొట్టిన ప్రభాస్ కు... నార్త్ లో కూడా భారీ క్రేజ్ ఏర్పడింది. దీంతో యంగ్ రెబల్ స్టార్ తో సినిమాలు చేయడానికి బాలీవుడ్ దర్శక, నిర్మాతలు కూడా ఆసక్తి చూపుతున్నారు. ప్రభాస్ తో సినిమా నిర్మిస్తున్నట్టు బాలీవుడ్ దర్శకుడు ఓంరావుత్ ప్రకటించారు.
ఈ చిత్రానికి 'ఆదిపురుష్' అనే టైటిల్ ను అధికారికంగా ప్రకటించారు. దాదాపు రూ. 350 కోట్ల భారీ బడ్జెట్ తో ఈ చిత్రం తెరకెక్కనుంది. 'చెడుపై మంచి సాధించే విజయాన్ని సెలబ్రేట్ చేసుకుందాం' అంటూ సోషల్ మీడియాలో ఈ చిత్రానికి సంబంధించిన టీజర్ ను ప్రభాస్, ఓంరావుత్ విడుదల చేశారు. ఈ చిత్రం హిందీ, తెలుగుతో పాటు తమిళం, మలయాళం, కన్నడ భాషల్లో కూడా తెరకెక్కనుంది.
