Nagababu: అన్నయ్య సినిమాల్లో ఆ రెండూ వరుణ్ బాడీ లాంగ్వేజ్ కి బాగుంటాయి: నాగబాబు
- నాకు 'ఛాలెంజ్' సినిమా అంటే ఇష్టం
- 'కొదమ సింహం' కూడా బాగా నచ్చుతుంది
- అన్నయ్య సినిమాలను రీమేక్ చేయడం కష్టమన్న నాగబాబు
తాజాగా నాగబాబుతో యాంకర్ రవి లైవ్ చాట్ చేస్తూ, కొన్ని ఆసక్తికరమైన ప్రశ్నలను అడిగాడు. 'చిరంజీవిగారు చేసిన సినిమాల్లో ఏదైనా ఒక సినిమాను వరుణ్ తేజ్ తో రీమేక్ చేయవలసి వస్తే ఏ సినిమా చేస్తారు?' అని రవి అడిగాడు. అందుకు నాగబాబు స్పందిస్తూ .. 'అన్నయ్య చేసిన సినిమాల్లో నాకు 'ఛాలెంజ్' అంటే చాలా ఇష్టం. సత్యానంద్ గారు మంచి స్క్రీన్ ప్లేను అందించారు. వరుణ్ తేజ్ బాడీ లాంగ్వేజ్ కి ఈ సినిమా అయితే బాగుంటుందని అనిపిస్తూ ఉంటుంది.
'అలాగే అన్నయ్య సినిమాల్లో 'కొదమ సింహం' కూడా నాకు బాగా నచ్చుతుంది. హాలీవుడ్ సినిమా స్ఫూర్తితో రూపొందించిన సినిమా అది. ఈ సినిమా కూడా వరుణ్ తేజ్ కు సెట్ అవుతుందని అనుకుంటూ వుంటాను. కానీ అన్నయ్య చేసిన సినిమాలను రీమేక్ చేసి మెప్పించడం అంత తేలికైన విషయమేం కాదు .. అది కత్తి మీద సాములాంటిదే' అంటూ తన మనసులోని మాట చెప్పారు.
