హైటెక్ సిటీ ప్రాంతంలో విజయ్ దేవరకొండ షూటింగ్

క్రాంతిమాధవ్ దర్శకత్వంలో విజయ్ దేవరకొండ 'వరల్డ్ ఫేమస్ లవర్' సినిమా చేస్తున్నాడు. క్రియేటివ్ కమర్షియల్స్ బ్యానర్ పై నిర్మితమవుతున్న ఈ సినిమాలో, రాశి ఖన్నా .. కేథరిన్ .. ఐశ్వర్య రాజేశ్ కథానాయికలుగా కనిపించనున్నారు. ఇప్పటికే ఈ సినిమా చాలా వరకూ చిత్రీకరణను జరుపుకుంది.

ప్రస్తుతం హైదరాబాద్ - హైటెక్ సిటీ ప్రాంతంలో షూటింగ్ జరుగుతోంది. ప్రధాన పాత్రల కాంబినేషన్లో క్లైమాక్స్ తాలూకు సన్నివేశాలను అక్కడ చిత్రీకరిస్తున్నారు. మరో వారం రోజుల పాటు అక్కడే షూటింగు జరగనున్నట్టుగా తెలుస్తోంది. తొలిసారిగా రాశి ఖన్నా తన పాత్రకి తనే డబ్బింగ్ చెప్పనుంది. గోపీసుందర్ సంగీతాన్ని సమకూర్చిన ఈ సినిమాను, ప్రేమికుల దినోత్సవం సందర్భాన్ని పురస్కరించుకుని ఫిబ్రవరి 14వ తేదీన విడుదల చేయనున్నారు.