సినిమా కబుర్లు.. సంక్షిప్త సమాచారం

*  కమల్, శంకర్ కాంబినేషన్లో రూపొందే 'భారతీయుడు 2' చిత్రంలో కాజల్ అగర్వాల్ కథానాయికగా నటించనున్న సంగతి తెలిసిందే. కాగా, ఈ చిత్రంలో ఆమె సరికొత్తగా కనిపిస్తుందట. అందుకోసం హెయిర్ స్టయిలింగ్, మేకప్ నిపుణులను అమెరికా నుంచి రప్పిస్తున్నట్టు సమాచారం.
*  ఇటీవల 'సవ్యసాచి' చిత్రంలో నటించిన నిధి అగర్వాల్ త్వరలో నాగశౌర్య సరసన నాయికగా నటించనుంది. దర్శకుడు సుకుమార్ నిర్మించే చిత్రంలో వీరిద్దరూ హీరో హీరోయిన్లుగా నటిస్తారని తెలుస్తోంది.
*  త్రిష కథానాయికగా ఇటీవల తమిళంలో వచ్చిన '96' చిత్రాన్ని ప్రముఖ నిర్మాత దిల్ రాజు తెలుగులోకి రీమేక్ చేస్తున్నారు. తమిళంలో విజయ్ సేతుపతి పోషించిన కీలక పాత్రను తెలుగులో యాక్షన్ హీరో గోపీచంద్ పోషిస్తాడని వార్తలు వినిపిస్తున్నాయి.