కార్తీ 'దేవ్' నుంచి ఫస్టు టీజర్ వస్తోంది!

తమిళంలో కార్తీ హీరోగా 'దేవ్' చిత్రం నిర్మితమైంది. రజత్ రవిశంకర్ దర్శకత్వం వహించిన ఈ సినిమాను డిసెంబర్లో విడుదల చేయనున్నారు. ఈ నేపథ్యంలో ఈ సినిమా నుంచి ఫస్టు టీజర్ ను ఈ నెల 5వ తేదీన విడుదల చేయాలనే నిర్ణయానికి వచ్చారు. అందుకు సంబంధించిన పోస్టర్ ను కూడా వదిలారు.

ఈ యాక్షన్ డ్రామాలో రకుల్ .. నిక్కీ గల్రాని కథానాయికలుగా నటించారు. హారిస్ జైరాజ్ సంగీతాన్ని సమకూర్చిన ఈ సినిమాలో, ప్రకాశ్ రాజ్ .. జయసుధ కీలకమైన పాత్రలను పోషించారు. ఈ సినిమాలో తాను చేసిన పాత్ర చాలా డిఫరెంట్ గా ఉంటుందనీ, తనకి మంచి పేరు తీసుకొస్తుందని కార్తీ చెబుతున్నాడు. ఈ సినిమాకి ముందు కార్తీతో కలిసి రకుల్ చేసిన 'ఖాకీ' విజయాన్ని సాధించింది. అలాగే ఈ సినిమా కూడా హిట్ కొడుతుందేమో చూడాలి.