'సైరా'లో గిరిజన యువతిగా నిహారిక

చిరంజీవి కథానాయకుడిగా సురేందర్ రెడ్డి దర్శకత్వంలో 'సైరా' సినిమా రూపొందుతోంది. చరణ్ నిర్మాతగా వ్యవహరిస్తోన్న ఈ సినిమా, చకచకా షూటింగ్ జరుపుకుంటోంది. ఈ సినిమాలో నిహారిక కూడా నటిస్తుందనేది తాజా సమాచారం. కథానాయికగా వరుస సినిమాలు చేసుకుంటూ వెళుతోన్న నిహారిక, అవకాశం దొరకాలే గానీ చిరంజీవి మూవీలో నటించే ఛాన్స్ ను ఎట్టి పరిస్థితుల్లోను వదులుకోనని తరచూ చెబుతూ వస్తోంది.

ఆ ఇంట్రెస్ట్ కారణంగానే ఆమెకి 'సైరా'లో ఛాన్స్ లభించినట్టు సమాచారం. ఈ సినిమాలో నిహారిక ఒక గిరిజన యువతిగా కనిపిస్తుందట. రెండు .. మూడు సీన్లలో ఆమె ఈ సినిమాలో కనిపించనుందని అంటున్నారు. మొత్తానికి చిరంజీవి మూవీలో చేయాలనే ముచ్చటను నిహారిక తీర్చేసుకుంటోందన్న మాట. నయనతార కథానాయికగా నటిస్తోన్న ఈ సినిమాను వచ్చే వేసవిలో విడుదల చేయనున్నారు.