సినిమా కబుర్లు.. సంక్షిప్త సమాచారం!

*  ప్రస్తుతం అందాల సమంత తమిళంలో 'సూపర్ డీలక్స్' అనే చిత్రంలో నటిస్తోంది. త్యాగరాజన్ కుమారరాజా దర్శకత్వం వహిస్తున్న ఈ చిత్రంలో విజయ్ సేతుపతి, ఫహాద్ ఫాజిల్ హీరోలుగా నటిస్తున్నారు. కాగా, ఈ చిత్రాన్ని వచ్చే కేన్స్ ఫిలిం ఫెస్టివల్ కి పంపడానికి దర్శకుడు ప్లాన్ చేస్తున్నాడట.
*  తరుణ్ హీరోగా రమేష్ గోపి దర్శకత్వంలో రూపొందిన 'ఇది నా లవ్ స్టోరీ' చిత్రం అన్ని కార్యక్రమాలను పూర్తి చేసుకుని విడుదలకు సిద్ధమైంది. వాలెంటైన్స్ డే సందర్భంగా ఈ నెల 14న దీనిని రిలీజ్ చేయనున్నారు.
*  హిందీలో హిట్టయిన '2 స్టేట్స్' చిత్రాన్ని అడవి శేష్ హీరోగా తెలుగులో రీమేక్ చేస్తున్నారు. నూతన దర్శకుడు వెంకట్ రెడ్డి దర్శకత్వంలో రూపొందే ఈ చిత్రం షూటింగ్ వచ్చే నెల నుంచి జరుగుతుంది. ఈ చిత్రం ద్వారా సీనియర్ నటుడు డాక్టర్ రాజశేఖర్ కూతురు శివాని హీరోయిన్ గా పరిచయమవుతోంది.
*  రవితేజ హీరోగా కల్యాణ్ కృష్ణ దర్శకత్వంలో రూపొందుతున్న 'నేల టికెట్' చిత్రం షూటింగ్ గత కొన్ని రోజులుగా విశాఖపట్నంలో జరుగుతోంది. ప్రస్తుతం విశాఖ బీచ్ వద్ద కొన్ని సన్నివేశాలను చిత్రీకరిస్తున్నారు. ఇందులో మాళవిక శర్మ నాయికగా నటిస్తోంది.