'సవ్యసాచి'ని పొగిడేస్తున్న మాధవన్!

చందు మొండేటి దర్శకత్వంలో నాగచైతన్య కథానాయకుడిగా 'సవ్యసాచి' సినిమా రూపొందుతోంది. ఈ సినిమాలో చైతూ పాత్రను చాలా డిఫరెంట్ గా చందూ మొండేటి డిజైన్ చేశాడు. నిధి అగర్వాల్ కథానాయికగా నటిస్తోన్న ఈ సినిమాలో, మాధవన్ .. భూమిక ముఖ్యమైన పాత్రలను పోషిస్తున్నారు. ఈ సినిమా ఎలాంటి విషయాలను .. విశేషాలను బయటికి వదలకుండా సైలెంట్ గా షూటింగ్ జరుపుకుంటోంది.

 అయితే మాధవన్ మాత్రం ఈ సినిమా కంటెంట్ సూపర్బ్ గా ఉందని తన సన్నిహితులతో చెప్పాడట. దాంతో ఈ సినిమాపై అందరిలో ఆసక్తి రేకెత్తుతోంది. 'అర్జున్ రెడ్డి' ఎలాంటి అంచనాలు లేకుండగా బయటికి వచ్చి సంచలన విజయాన్ని సాధించింది. అదే విధంగా 'సవ్యసాచి' కూడా సైలెంట్ గా ఆడియన్స్ ముందుకు వచ్చేసి ఘన విజయాన్ని సాధించే ఛాన్స్ వుందనే అభిప్రాయాలు వ్యక్తమవుతున్నాయి.