కేథరిన్ ను తప్పించారు .. ఆ ప్లేస్ లో కాజల్!

గ్లామర్ పరంగా తెలుగులో మంచి మార్కులు కొట్టేసిన కేథరిన్, వరుస అవకాశాలను మాత్రం సంపాదించుకోలేకపోతోంది. అదే విధంగా ప్రధాన కథానాయిక పాత్రలను చేజిక్కించుకోలేకపోతోంది. ఈ మధ్య అవకాశాలు వచ్చినట్టుగానే వచ్చి .. చేజారిపోతుండటం అమ్మడిని కలవరపాటుకు గురిచేస్తోందనే టాక్ వినిపిస్తోంది.

 తమిళంలో హిట్ కొట్టిన 'బోగన్' సినిమాను రవితేజతో తెలుగులో రీమేక్ చేయడానికి సన్నాహాలు జరుగుతున్నాయి. ఈ సినిమాలో కథానాయికగా కేథరిన్ ను తీసుకున్నారు. అయితే ఇప్పుడు ఆ ప్రాజెక్టు నుంచి కేథరిన్ ను తప్పించారట. కారణమేంటనేది తెలియదుగానీ .. ఆ ప్లేస్ లో కాజల్ ను తీసుకున్నారని సమాచారం. అయితే గతంలో రవితేజ - కాజల్ కాంబినేషన్లో వచ్చిన 'వీర' .. 'సారొచ్చారు' ఆడియాన్స్ ను ఆకట్టుకోలేకపోయాయి. అయినా ఈ కాంబినేషన్ లో మరో సినిమా వస్తుండటం విశేషం.