మరోసారి వాన పాటలో అలరించనున్న తమన్నా

తెలుగు తెరపై గ్లామర్ తో కుర్రకారుకు కునుకు లేకుండా చేస్తోన్న కథానాయికల జాబితాలో తమన్నా పేరు ముందుగా కనిపిస్తోంది. అలాంటి తమన్నా ప్రస్తుతం కల్యాణ్ రామ్ జోడీగా ఓ సినిమా చేస్తోంది. జయేంద్ర దర్శకత్వంలో ఈ సినిమా షూటింగ్ చకచకా జరిగిపోతోంది. ఇంకా ఈ సినిమాకి టైటిల్ ను ఖరారు చేయలేదు. ఈ సినిమాలో కల్యాణ్ రామ్ .. తమన్నాలపై ఒక వాన పాట ఉందట. ఈ పాటలో తమన్నా ఒక రేంజ్ లో అందాలు ఆరబోసిందనే టాక్ వినిపిస్తోంది.

 ఈ సినిమాకి ఈ వాన పాట హైలైట్ గా నిలవడం ఖాయమని అంటున్నారు. గతంలో తమన్నా 'బద్రీనాథ్' .. 'రచ్చ' సినిమాల్లో చేసిన వాన పాటలు కుర్రకారుకు గిలిగింతలు పెట్టాయి. ఆ పాటలలో మెరిసిన తమన్నా అందాలను ప్రేక్షకులు ఇప్పటికీ మరిచిపోలేదు. అలాంటి హుషారైన వాన పాటతో మరోసారి ఆడియన్స్ ను తమన్నా అలరించడం ఖాయమనే మాట వినబడుతోంది.