షారుక్, యువరాజ్ ఇళ్లలో గడిపే ఛాన్స్.. హోమ్స్టేలుగా మారిన స్టార్ల గృహాలు
- హోమ్స్టేలుగా మారుతున్న సెలబ్రిటీల ఇళ్లు
- ఆదాయం కోసం విల్లాలను అద్దెకు ఇస్తున్న సినీ, క్రీడా ప్రముఖులు
- రాత్రి బసకు రూ. 50 వేల నుంచి లక్షకు పైగా చార్జీలు
- భారీ ధరలు ఉన్నప్పటికీ ఫుల్ డిమాండ్, నిరంతరం బుకింగ్స్
అభిమాన తారల ఇళ్లను చూడటమే గొప్ప అనుభూతి. అలాంటిది వారి ఇంట్లోనే బస చేసే అవకాశం వస్తే ఎలా ఉంటుంది? ఈ ఊహే అద్భుతంగా ఉంది కదూ! ఒకప్పుడు అసాధ్యంగా అనిపించిన ఈ కలను ఇప్పుడు కొందరు సెలబ్రిటీలు నిజం చేస్తున్నారు. షారుక్ ఖాన్, శ్రీదేవి, అలియా భట్ వంటి సినీ తారలతో పాటు యువరాజ్ సింగ్ వంటి క్రీడా దిగ్గజాలు తమ విలాసవంతమైన గృహాలను 'లగ్జరీ హోమ్స్టే'లుగా మార్చి, అభిమానులకు సరికొత్త అనుభూతిని పంచుతున్నారు.
ఇది సాధారణ హోటల్ గదిలో బస చేసినట్టు కాదు. సెలబ్రిటీల అభిరుచులకు అద్దం పట్టేలా ఉండే ఈ ఇళ్లలోకి అడుగుపెట్టగానే ఒక కొత్త ప్రపంచంలోకి వెళ్లిన ఫీలింగ్ కలుగుతుంది. గోడలపై అరుదైన పెయింటింగ్స్, పురాతన ఫర్నిచర్, వారి లైబ్రరీలోని పుస్తకాలు.. ఇలా ప్రతి వస్తువూ ఆయా ప్రముఖుల జీవనశైలిని దగ్గర నుంచి పరిచయం చేస్తుంది. గోవాలోని యువరాజ్ సింగ్ 'కాసా సింగ్' విల్లా, నటుడు అర్జున్ మాథుర్ 'ట్రాంక్విల్ హెవెన్' వంటివి ఈ ట్రెండ్కు ఉదాహరణలుగా నిలుస్తున్నాయి.
సెలబ్రిటీలు తమ వెకేషన్ హోమ్లను ఆదాయ వనరులుగా మార్చుకోవడం ఈ ట్రెండ్ వెనుక ఉన్న ప్రధాన కారణం. హాలిడే డెస్టినేషన్లలో కోట్లు పెట్టి కొన్న విల్లాల్లో వారు ఏడాదికి కొన్ని వారాలు మాత్రమే ఉంటారు. మిగిలిన సమయంలో వాటి నిర్వహణ ఖర్చులు తడిసి మోపెడవుతాయి. ఈ భారాన్ని తగ్గించుకుని, అదనపు ఆదాయం సంపాదించేందుకు వాటిని నమ్మకమైన అతిథులకు అద్దెకు ఇస్తున్నారు. దీంతో 'వెకేషన్ హోమ్' కాస్తా 'ఇన్కమ్ హోమ్'గా మారుతోంది.
సెలబ్రిటీల ఇళ్లలో బస చేయాలంటే అద్దె కూడా అదే స్థాయిలో ఉంటుంది. సాధారణ విల్లాల అద్దె రూ. 6,000 నుంచి మొదలైతే, ఈ లగ్జరీ సెలబ్రిటీ విల్లాల్లో ఒక రాత్రి గడపాలంటే రూ. 50,000 నుంచి రూ. లక్షకు పైగా చెల్లించాల్సిందే. ఉదాహరణకు, గోవాలోని అజయ్ దేవ్గణ్ 'విల్లా ఎటర్నా'లో ఒక రోజు అద్దె సుమారు రూ. 75,000. అద్దెలు భారీగా ఉన్నప్పటికీ, వీటికి డిమాండ్ తగ్గడం లేదు. దాదాపు ఏడాదంతా ఈ విల్లాలు ఫుల్ బుకింగ్స్తో రద్దీగా ఉంటున్నాయి. గోవా ఈ ట్రెండ్కు కేంద్రంగా ఉండగా, హైదరాబాద్కు చెందిన పారిశ్రామికవేత్తలు, వైద్యులు కూడా తమ విల్లాలను ఇలా హోమ్స్టేలుగా మారుస్తున్నారు.
ఇది సాధారణ హోటల్ గదిలో బస చేసినట్టు కాదు. సెలబ్రిటీల అభిరుచులకు అద్దం పట్టేలా ఉండే ఈ ఇళ్లలోకి అడుగుపెట్టగానే ఒక కొత్త ప్రపంచంలోకి వెళ్లిన ఫీలింగ్ కలుగుతుంది. గోడలపై అరుదైన పెయింటింగ్స్, పురాతన ఫర్నిచర్, వారి లైబ్రరీలోని పుస్తకాలు.. ఇలా ప్రతి వస్తువూ ఆయా ప్రముఖుల జీవనశైలిని దగ్గర నుంచి పరిచయం చేస్తుంది. గోవాలోని యువరాజ్ సింగ్ 'కాసా సింగ్' విల్లా, నటుడు అర్జున్ మాథుర్ 'ట్రాంక్విల్ హెవెన్' వంటివి ఈ ట్రెండ్కు ఉదాహరణలుగా నిలుస్తున్నాయి.
సెలబ్రిటీలు తమ వెకేషన్ హోమ్లను ఆదాయ వనరులుగా మార్చుకోవడం ఈ ట్రెండ్ వెనుక ఉన్న ప్రధాన కారణం. హాలిడే డెస్టినేషన్లలో కోట్లు పెట్టి కొన్న విల్లాల్లో వారు ఏడాదికి కొన్ని వారాలు మాత్రమే ఉంటారు. మిగిలిన సమయంలో వాటి నిర్వహణ ఖర్చులు తడిసి మోపెడవుతాయి. ఈ భారాన్ని తగ్గించుకుని, అదనపు ఆదాయం సంపాదించేందుకు వాటిని నమ్మకమైన అతిథులకు అద్దెకు ఇస్తున్నారు. దీంతో 'వెకేషన్ హోమ్' కాస్తా 'ఇన్కమ్ హోమ్'గా మారుతోంది.
సెలబ్రిటీల ఇళ్లలో బస చేయాలంటే అద్దె కూడా అదే స్థాయిలో ఉంటుంది. సాధారణ విల్లాల అద్దె రూ. 6,000 నుంచి మొదలైతే, ఈ లగ్జరీ సెలబ్రిటీ విల్లాల్లో ఒక రాత్రి గడపాలంటే రూ. 50,000 నుంచి రూ. లక్షకు పైగా చెల్లించాల్సిందే. ఉదాహరణకు, గోవాలోని అజయ్ దేవ్గణ్ 'విల్లా ఎటర్నా'లో ఒక రోజు అద్దె సుమారు రూ. 75,000. అద్దెలు భారీగా ఉన్నప్పటికీ, వీటికి డిమాండ్ తగ్గడం లేదు. దాదాపు ఏడాదంతా ఈ విల్లాలు ఫుల్ బుకింగ్స్తో రద్దీగా ఉంటున్నాయి. గోవా ఈ ట్రెండ్కు కేంద్రంగా ఉండగా, హైదరాబాద్కు చెందిన పారిశ్రామికవేత్తలు, వైద్యులు కూడా తమ విల్లాలను ఇలా హోమ్స్టేలుగా మారుస్తున్నారు.
