హ్యాపీ బర్త్‌డే బావ‌.. ఈసారి టైగ‌ర్ కాదు డ్రాగ‌న్: అల్లు అర్జున్‌

టాలీవుడ్ స్టార్ హీరో, యంగ్ టైగర్ జూనియర్ ఎన్టీఆర్ తన పుట్టినరోజును జరుపుకుంటున్నారు. ఈ సందర్భంగా ఆయనకు అభిమానులు, సినీ ప్రముఖుల నుంచి సోషల్ మీడియా వేదికగా శుభాకాంక్షలు వెల్లువెత్తుతున్నాయి. ముఖ్యంగా ఐకాన్ స్టార్ అల్లు అర్జున్, సీనియర్ నటి ఖుష్బూ చెప్పిన విషెస్ అందరి దృష్టిని ఆకర్షిస్తున్నాయి.

ఎన్టీఆర్‌కు అల్లు అర్జున్ చాలా ప్రత్యేకంగా బర్త్‌డే విషెస్ తెలిపారు. "హ్యాపీ బర్త్‌డే బావా.. ఈసారి వచ్చేది టైగర్ కాదు.. డ్రాగన్. ప్రతి షాట్‌లోనూ నిప్పులు చెరిగావ్" అంటూ 'ఎక్స్' (ట్విట్టర్) వేదికగా పోస్ట్ చేశారు. ఎన్టీఆర్ రాబోయే చిత్రం 'డ్రాగన్' గ్లింప్స్‌ను ప్రశంసిస్తూ బన్నీ చేసిన ఈ ట్వీట్ ప్రస్తుతం సోషల్ మీడియాలో వైరల్ అయింది.

మరోవైపు సీనియర్ నటి ఖుష్బూ కూడా తారక్‌పై తనకున్న అభిమానాన్ని చాటుకున్నారు. "నా ప్రియమైన, నాకు అత్యంత ఇష్టమైన తారక్‌కి పుట్టినరోజు శుభాకాంక్షలు. మీకు సంతోషం, విజయం, మంచి ఆరోగ్యం కలగాలని కోరుకుంటున్నాను. ఆ దేవుడు మిమ్మల్ని ఎల్లప్పుడూ ఆశీర్వదించుగాక. లవ్ యూ కన్నా!! నా హీరో, నా తారక్, నా డ్రాగన్" అంటూ ఆమె భావోద్వేగంగా ట్వీట్ చేశారు.