అమెజాన్ నుంచి లేటెస్ట్ ఫైర్ టీవీ స్టిక్.. ఓ లుక్కేద్దాం!
- భారత్లో కొత్త అమెజాన్ ఫైర్ టీవీ స్టిక్ హెచ్డీ విడుదల
- పాత మోడల్ కన్నా 30 శాతం అధిక వేగం
- అడాప్టర్ అవసరం లేకుండా టీవీ యూఎస్బీ పోర్టుతోనే పనిచేస్తుంది
- ఎక్స్బాక్స్ క్లౌడ్ గేమింగ్ సపోర్ట్తో మార్కెట్లోకి
- రూ.4,999 ధరతో ఫ్లిప్కార్ట్, అమెజాన్లో అమ్మకాలు
ఈ కొత్త ఫైర్ టీవీ స్టిక్ హెచ్డీ పనితీరులో మెరుగ్గా ఉండటమే కాకుండా, డిజైన్లోనూ ప్రత్యేకతను చాటుకుంది. ఇతర ఫైర్ టీవీ స్టిక్ల కన్నా 30 శాతం స్లిమ్ గా ఉండటం వల్ల టీవీ వెనుక సులభంగా ఇమిడిపోతుంది. దీనికి ప్రత్యేకంగా వాల్ అడాప్టర్ అవసరం లేదు, టీవీలోని యూఎస్బీ పోర్టు నుంచే నేరుగా పవర్ తీసుకుంటుంది. దీంతో వైర్ల గందరగోళం లేకుండా సెటప్ చేసుకోవచ్చు.
ఈ స్టిక్లో కొత్తగా రీడిజైన్ చేసిన ఫైర్ టీవీ ఇంటర్ఫేస్ అందుబాటులో ఉంది. ప్రైమ్ వీడియో, నెట్ఫ్లిక్స్, డిస్నీ ప్లస్ హాట్స్టార్, యూట్యూబ్ వంటి యాప్లతో పాటు, ఎక్స్బాక్స్ క్లౌడ్ గేమింగ్ సపోర్ట్ను కూడా తొలిసారిగా హెచ్డీ స్టిక్లో అందిస్తున్నారు. దీని ద్వారా బ్లూటూత్ కంట్రోలర్ ఉపయోగించి వందలాది గేమ్లను ఆడవచ్చు (గేమ్ పాస్ సబ్స్క్రిప్షన్ అవసరం).
ఈ సందర్భంగా అమెజాన్ ఇండియా ఫైర్ టీవీ హెడ్ సయంతని చౌదరి మాట్లాడుతూ, "వేగవంతమైన స్ట్రీమింగ్ అనుభవాన్ని వినియోగదారులు కోరుకుంటున్నారు. మా కొత్త ఫైర్ టీవీ స్టిక్ హెచ్డీ అదే అందిస్తుంది. ఇది వేగంగా ఉండటమే కాకుండా, అత్యంత పోర్టబుల్ డిజైన్తో క్లట్టర్-ఫ్రీ సెటప్ ఇస్తుంది," అని వివరించారు. ఈ ఉత్పత్తి ప్రస్తుతం అమెజాన్ ఇండియా, ఫ్లిప్కార్ట్, బ్లింకిట్, స్విగ్గీ ఇన్స్టామార్ట్ వంటి ప్లాట్ఫామ్లలో అందుబాటులో ఉంది. త్వరలో రిటైల్ స్టోర్లలోనూ లభించనుంది.
