తమిళనాట 'విజయ్' ప్రభంజనం.. కింగ్మేకర్గా దళపతి?
- తమిళనాడులో మారుతున్న రాజకీయ సమీకరణాలు
- డీఎంకే, అన్నాడీఎంకేల ఆధిపత్యానికి గండి
- ట్రెండ్స్లో అధికార డీఎంకేను దాటేసిన విజయ్ టీవీకే పార్టీ
- కింగ్మేకర్గా అవతరించే దిశగా నటుడు విజయ్
- యాక్సిస్ మై ఇండియా అంచనాలను నిజం చేస్తున్న ఫలితాలు
తమిళనాడు అసెంబ్లీ ఎన్నికల్లో ఈసారి త్రిముఖ పోరు నెలకొంది. ముఖ్యమంత్రి ఎంకే స్టాలిన్ నేతృత్వంలోని డీఎంకే కూటమి, బీజేపీతో జతకట్టిన ప్రధాన ప్రతిపక్షం అన్నాడీఎంకే, తొలిసారి బరిలోకి దిగిన విజయ్ టీవీకే పార్టీల మధ్య పోటీ తీవ్రంగా ఉంది. చాలా ఎగ్జిట్ పోల్స్ డీఎంకే రెండోసారి అధికారంలోకి వస్తుందని అంచనా వేసినప్పటికీ, యాక్సిస్ మై ఇండియా మాత్రం 'విజయ్ ఎఫెక్ట్' బలంగా ఉంటుందని పేర్కొంది.
యాక్సిస్ మై ఇండియా అంచనాలకు తగ్గట్టే, టీవీకే పార్టీ రాష్ట్రంలో ప్రభంజనం సృష్టిస్తోంది. మొత్తం 234 స్థానాలకు గాను 118 మ్యాజిక్ ఫిగర్ కాగా, విజయ్ పార్టీ సుమారు 100 స్థానాల్లో గెలుపొందే అవకాశం ఉందని విశ్లేషకులు భావిస్తున్నారు. ఈ ఫలితాలు ఇలాగే కొనసాగితే, తమిళనాడులో విజయ్ కింగ్మేకర్గా అవతరించడం ఖాయమని, రాష్ట్ర రాజకీయాల్లో ఒక నూతన శకం ప్రారంభం కానుందని రాజకీయ పండితులు అభిప్రాయపడుతున్నారు.
