అది మోదీ మాస్టర్ క్లాస్: భారత్-అమెరికా ఒప్పందంపై జేపీ ప్రశంసలు
- భారత్-అమెరికా వాణిజ్య ఒప్పందంపై ప్రధాని మోదీకి జేపీ అభినందనలు
- సవాళ్లను ఎదుర్కోవడంలో మోదీది ఒక మాస్టర్ క్లాస్ అని ప్రశంస
- ఈ ఒప్పందంతో ఇరు దేశాల బంధం మరింత పటిష్టమవుతుందని వ్యాఖ్య
- అసంపూర్తి ఎజెండాపై దేశం దృష్టి సారించాలని పిలుపునిచ్చిన జేపీ
ఈ ఒప్పందంపై జేపీ స్పందిస్తూ, "తీవ్రమైన సవాళ్ల నడుమ జాతీయ ప్రయోజనాలను ప్రోత్సహించడం, ప్రపంచంలోనే అతిపెద్ద ఆర్థిక వ్యవస్థతో స్నేహాన్ని కాపాడుకోవడం, అదే సమయంలో జాతీయ గౌరవాన్ని నిలబెట్టడం వంటి అంశాలలో ప్రధాని మోదీ ఒక మాస్టర్ క్లాస్ ప్రదర్శించారు" అని కొనియాడారు. భారత్, అమెరికా దేశాలు సహజ మిత్రపక్షాలని, ఈ వాణిజ్య ఒప్పందం ఇరు దేశాల ద్వైపాక్షిక సంబంధాలను మరింత పటిష్టం చేస్తుందని ఆయన అభిప్రాయపడ్డారు.
ఈ ఒప్పందంతో వచ్చిన నూతనోత్సాహంతో దేశం సమ్మిళిత ఆర్థిక వృద్ధి, శ్రేయస్సు దిశగా మరింత పటిష్టంగా ముందుకు సాగవచ్చని జేపీ ఆకాంక్షించారు. ఇకపై ఒక దేశంగా మనమంతా అసంపూర్తిగా మిగిలిపోయిన ఎజెండాపై దృష్టి సారించి, అభివృద్ధి పథంలో పయనించాలని ఆయన పిలుపునిచ్చారు.
