కన్నప్ప సినిమాతో తెరపైకి మంచు వారసుడు.. కీలక పాత్రలో అవ్రామ్

మంచు విష్ణు ప్రధాన పాత్రలో మోహన్‌బాబు నిర్మిస్తున్న భారీ బడ్జెట్ చిత్రం కన్నప్ప. ముకేశ్ కుమార్ సింగ్ దర్శకత్వంలో పాన్ ఇండియా స్థాయిలో రూపొందుతున్న ఈ మూవీలో పలు చిత్ర పరిశ్రమలకు చెందిన నటులు కీలక పాత్రల్లో కనిపించబోతున్నారు. ప్రతిష్ఠాత్మకంగా తెరకెక్కుతున్న ఈ మూవీతో మంచు కుటుంబం నుంచి మరో వారసుడు తెరంగేట్రం చేస్తున్నాడు. 

ఈ మూవీలో మంచు విష్ణు కుమారుడు అవ్రామ్ కీలక పాత్రలో నటిస్తున్నాడు. నేడు కృష్ణాష్టమని పురస్కరించుకుని అవ్రామ్ లుక్‌ను విడుదల చేశారు. మంచు విష్ణు చిన్నప్పటి పాత్ర అయిన తిన్నడుగా అవ్రామ్ ఇందులో కనిపించనున్నాడు. ఈ పోస్టర్‌ను షేర్ చేసిన మోహన్‌బాబు అందరికీ కృష్ణాష్టమి శుభాకాంక్షలు తెలిపారు.