నాగార్జున ‘ఎన్ కన్వెన్షన్’ కూల్చివేతను ప్రారంభించిన అధికారులు
- అక్రమ నిర్మాణాలపై హైడ్రా కొరడా
- మాదాపూర్ లో ఎన్ కన్వెన్షన్ కూల్చివేత పనులు ప్రారంభించిన హైడ్రా అధికారులు
- భారీ బందోబస్తు నడుమ కూల్చివేత పనులు
హైదరాబాద్ లో గత కొన్ని రోజులుగా హైడ్రా అక్రమ నిర్మాణాలపై ప్రత్యేక చర్యలు చేపట్టింది. అక్రమ కట్టడాలు గుర్తించి వెంటనే కూల్చి వేస్తోంది. తాజాగా బీఆర్ఎస్ వర్కింగ్ ప్రెసిడెంట్, మాజీ మంత్రి కేటిఆర్ కు చెందినదిగా భావిస్తున్న జవ్వాడ ఫామ్ హౌస్ సైతం అక్రమ నిర్మాణం అంటూ కూల్చివేతకు అధికారులు సిద్ధమవగా, దానికి వ్యతిరేకంగా న్యాయస్థానాన్ని ఆశ్రయించిన విషయం తెలిసిందే. సెలబ్రిటీలు, ప్రముఖుల అక్రమ నిర్మాణాలను సైతం హైడ్రా కూల్చివేతకు రంగం చేస్తుండటం హాట్ టాపిక్ అయింది.
