'అన్నపూర్ణ ఫొటో స్టూడియో' ప్రీ రిలీజ్ ఈవెంట్ ఎక్కడంటే..!

ఈ కాలం దర్శకులు కథల కోసం కాలంలో కాస్త వెనక్కి వెళుతున్నారు. ఆ కాలానికి సంబంధించిన నేపథ్యంతో కూడిన కథలను వండి వడ్డిస్తున్నారు. అలా 1980ల్లోకి ప్రేక్షకులను తీసుకుని వెళ్లే సినిమానే 'అన్నపూర్ణ ఫొటో స్టూడియో'. చైతన్యరావు - లావణ్య జంటగా ఈ సినిమా రూపొందింది. 

చెందు ముద్దు దర్శకత్వం వహించిన ఈ సినిమా, ఈ నెల 21వ తేదీన ప్రేక్షకుల ముందుకు రానుంది. ఈ నేపథ్యంలో ఈ సినిమా ప్రీ రిలీజ్ ఈవెంటుకు ముహూర్తాన్ని ఖరారు చేశారు. ఈ నెల 19వ తేదీన హైదరాబాద్ - జూబ్లీహిల్స్ లోని హోటల్ 'దసపల్లా'లో, విష్వక్సేన్ ముఖ్య అతిథిగా ఈ వేడుకను నిర్వహించనున్నారు.

1980ల కాలం అంటే .. టీవీలు .. మొబైల్ ఫోన్లు తెలియని కాలం. వేషధారణ విషయంలోను .. హెయిర్ స్టైల్ విషయంలోనూ అమ్మాయిలు - అబ్బాయిలు ఫాలో అయిన స్టైల్ వేరు. అమ్మాయిలు ఇల్లొదిలి పెద్దగా బయటికి రాని ఆ కాలంలో సాగిన ప్రేమాయణాలు వేరు. అలాంటి నేపథ్యంలో వచ్చే ఈ సినిమాపై, యూత్ లో మంచి అంచనాలు ఉన్నాయి.