పొన్నియిన్ సెల్వన్.. సెట్స్ లో ఐశ్వర్యారాయ్ ఫొటోలు ఇవిగో

మణిరత్నం ప్రతిష్ఠాత్మకంగా రూపొందిస్తున్న పొన్నియిన్ సెల్వన్ సినిమా పట్ల ఆసక్తి మరింత పెరుగుతోంది. ఈ సినిమా ఈ నెల 30న విడుదల కానుంది. ఈ లోపే సినిమాలోని ప్రధాన నటుల్లో ఒకరైన పార్తీబన్.. ట్విట్టర్ వేదికపై తన అభిమానుల కోసం శాంపిల్ గా కొన్ని ఫొటోలు (పిక్స్) విడుదల చేశారు. ఈ ఫొటోలు సినిమా షూటింగ్ సందర్భంగా తీసుకున్నవి కావడం గమనార్హం.

ఈ ఫొటోల్లో పార్తీబన్ తోపాటు ప్రముఖ నటుడు శరత్ కుమార్, ఐశ్వర్యారాయ్ కూడా ఉన్నారు. ఐశ్వర్యారాయ్ అంకిత భావం, వినయాన్ని పార్తీబన్ ఈ సందర్భంగా ఎంతో మెచ్చుకున్నారు.