పోలీస్ వ్య‌వ‌స్థ‌ను వైసీపీ నిర్లక్ష్యం చేస్తోంది: నాగ‌బాబు విమ‌ర్శ‌లు

ప్ర‌ముఖ సినీ న‌టుడు, జ‌న‌సేన రాజ‌కీయ వ్య‌వ‌హారాల క‌మిటీ (పీఏసీ) స‌భ్యుడు కొణిదెల నాగ‌బాబు ఏపీ ప్రభుత్వంపైనా, అధికార పార్టీ వైసీపీపైనా నేడు విమ‌ర్శ‌లు గుప్పించారు. ప‌లు అంశాల‌ను ప్ర‌స్తావిస్తూ ఆయ‌న వైసీపీ ప్ర‌భుత్వంపై విరుచుకుప‌డ్డారు. 

ఈ సంద‌ర్భంగా నాగ‌బాబు మాట్లాడుతూ.. "పోలీస్ వ్య‌వ‌స్థ‌ను వైసీపీ నిర్లక్ష్యం చేస్తోంది. జీత‌భ‌త్యాల‌పై ఆధార‌ప‌డ్డ ఉద్యోగుల‌ను వేధిస్తున్నారు. రైతుల బాధ‌లు తీర్చ‌లేకే వైసీపీ ర‌గ‌డ సృష్టిస్తోంది. వైసీపీ వైఫ‌ల్యాలు క‌ప్పిపుచ్చుకునేందుకే ప్ర‌జ‌ల మ‌ధ్య విభేదాలు సృష్టిస్తున్నారు" అంటూ నాగ‌బాబు వైసీపీపై విమ‌ర్శ‌లు గుప్పించారు.