రాజస్థాన్ ఓపెనర్ కు ఆటోగ్రాఫ్ ఇచ్చిన ధోని.. పిక్ వైరల్

రాజస్థాన్ యువ బాట్స్ మ్యాన్ యశస్వి జైశ్వాల్ బ్యాట్ పై చెన్నై సూపర్ కింగ్స్ సారధి మహేంద్ర సింగ్ ధోని సంతకం చేశాడు. శనివారం ఈ రెండు జట్ల మధ్య జరిగిన ఐపీఎల్ మ్యాచ్ లో జైశ్వాల్ అద్భుతమైన ఇన్నింగ్స్ ఆడాడు. 19 బంతుల్లోనే హాఫ్ సెంచరీ సాధించాడు. అతనితో పాటు శివమ్ దూబే కూడా రాణించడంతో రాజస్థాన్ జట్టు విజయం సాధించింది. ఈ క్రమంలో మ్యాచ్ అనంతరం ధోనీని కలిసిన జైశ్వాల్ తన బ్యాటుపై ఆటోగ్రాఫ్ తీసుకున్నాడు. ఈ బ్యాటుతో జైశ్వాల్ ఉన్న ఫోటో ను ఐపీఎల్ ట్విట్టర్ లో షేర్ చేసింది.

దీంతోపాటు "మ్యాచ్ తర్వాత నా బ్యాటుపై ధోని సంతకం తీసుకున్నా. చాలా సంతోషంగా ఉంది" అని జైశ్వాల్ అన్నట్లు పేర్కొంది. ప్రస్తుతం ఈ ఫోటో నెట్టింట్లో వైరల్ గా మారింది. కాగా, ఈ మ్యాచ్ లో చెన్నై ఓపెనర్ రుతురాజ్ సెంచరీ తో అదరగొట్టాడు. కానీ అతని టీం ఓడిపోయింది.