విజయ్ సేతుపతి 'లాభం' రిలీజ్ డేట్ ఖరారు!

విజయ్ సేతుపతి - శ్రుతిహాసన్ జంటగా తమిళంలో 'లాభం' సినిమా రూపొందింది. ఎస్.పి.జననాథన్ దర్శకత్వం వహించిన ఈ సినిమాకు తెలుగులో 'లాభం' అనే టైటిల్ ను ఖరారు చేశారు. ఈ రెండు భాషల్లోను ఈ సినిమాను సెప్టెంబర్ 9వ తేదీన విడుదల చేయనున్నారు.

ఒకేసారి తమిళ .. తెలుగు భాషల్లో విడుదలవుతున్న విజయ్ సేతుపతి ఫస్టుమూవీ ఇదేనని అంటున్నారు. విభిన్నమైన కథాకథనాలతో రూపొందిన ఈ సినిమాలో, జగపతిబాబు .. సాయిధన్సిక కీలకమైన పాత్రలను పోషించారు. ఇతర ముఖ్యమైన పాత్రల్లో కలైయరసన్ .. రమేశ్ తిలక్ కనిపించనున్నారు.

ఇమాన్ సంగీతాన్ని అందించిన ఈ సినిమాపై భారీ అంచనాలు ఉన్నాయి. ఈ సినిమా హిట్ అయితే మళ్లీ తమిళనాట తన జోరును కొనసాగించాలనే ఉద్దేశంతో శ్రుతిహాసన్ ఉంది. 'మాస్టర్' అనువాదం ద్వారా .. 'ఉప్పెన' సినిమా ద్వారా తెలుగులో క్రేజ్ పెంచుకున్న విజయ్ సేతుపతికి హిట్ పడుతుందేమో చూడాలి.