మమ్ముట్టి హీరోగా 'గ్రేట్ శంకర్' .. టీజర్ రిలీజ్!

మలయాళంలో మమ్ముట్టికి గల క్రేజ్ గురించి ప్రత్యేకంగా చెప్పవలసిన పనిలేదు. 2017లో ఆయన చేసిన సినిమాల్లో 'మాస్టర్ పీస్' భారీ విజయాన్ని సాధించింది. భారీ బడ్జెట్ తో నిర్మితమైన ఈ యాక్షన్ ఎంటర్టైనర్ కి అజయ్ వాసుదేవ్ దర్శకత్వం వహించాడు. 'గ్రేట్ శంకర్' టైటిల్ తో ఈ సినిమాను ఇప్పుడు తెలుగులో విడుదల చేయడానికి సన్నాహాలు చేస్తున్నారు. ప్రస్తుతం అందుకు సంబంధించిన సన్నాహాలు జరుగుతున్నాయి. ఈ నేపథ్యంలో ఈ సినిమా తెలుగు వెర్షన్ టీజర్ ను ఆదిసాయికుమార్ చేతుల మీదుగా రిలీజ్ చేయించారు.

ఈ సినిమాలో మమ్ముట్టి కాలేజ్ లెక్చరర్ గా కనిపిస్తున్నాడు. రౌడీయిజం .. రాజకీయాలను కాలేజ్ క్యాంపస్ లోకి అడుగుపెట్టనీయని లెక్చరర్ గా ఆయన ఈ సినిమాలో నటించాడు. ఇక వరలక్ష్మీ శరత్ కుమార్ .. ఉన్నిముకుందన్ పోలీస్ ఆఫీసర్స్ గా ముఖ్యమైన పాత్రలను పోషించారు. ఒక ప్రత్యేకమైన పాత్రలో పూనమ్ బజ్వా కనిపించనుంది. దీపక్ దేవ్ ఈ సినిమాకి సంగీతాన్ని అందించాడు. తెలుగు ఆడియన్స్ కి మమ్ముట్టి బాగా తెలుసు. ఇక ఉన్ని ముకుందన్ కూడా పరిచయమే. వరలక్ష్మీ శరత్ కుమార్ కి ఇటీవల ఇక్కడ క్రేజ్ పెరిగిపోయింది. అందువలన ఈ సినిమాను ఇక్కడ రిలీజ్ చేస్తున్నారని అనుకోవచ్చు.