‘హైదరాబాద్ సిస్టర్స్’లో ఒకరైన కుమారి లలిత కన్నుమూత
- కార్డియాక్ అరెస్ట్తో తుదిశ్వాస విడిచిన కుమారి లలిత
- రెండు రోజుల క్రితం యూట్యూబ్లో ఆన్లైన్ కచేరీ
- శోక సంద్రంలో సంగీత ప్రపంచం
లలిత 6 అక్టోబరు 1950లో జన్మించారు. తల్లి బి. సరోజ వద్దే సంగీత శిక్షణ ప్రారంభించిన లలిత తొమ్మిదో ఏటనే హైదరాబాద్ నల్లకుంటలోని శంకరమఠంలో తొలి కచేరీ ఇచ్చి అందరి దృష్టిని తనవైపు తిప్పుకున్నారు. లలిత, హరిప్రియలు తమ జీవితాన్ని సంగీతానికే అంకితం చేశారు. ఎంతోమంది శిష్యుల్ని తయారు చేశారు.
రామ్కోఠిలోని సంగీత కళాశాలలో లలిత సంగీత అధ్యాపకురాలిగా కూడా పనిచేశారు. ఈ నెల 20న ఉప్పలపాటి అంకయ్య 107వ జయంతి సందర్భంగా లలిత, హరిప్రియలు యూట్యూబ్లో ప్రత్యక్ష కచేరీ చేశారు. అంతలోనే ఆమె ఇక లేరన్న విషయం తెలిసి సంగీత ప్రపంచం శోక సంద్రంలో మునిగిపోయింది.
