ఆ వార్తల్లో ఎలాంటి నిజం లేదు: అనసూయ

తెలుగు సినిమాలతో పాటు, టీవీ షోలతో అనసూయ దూసుకుపోతోంది. తాజాగా ఆమె గురించి ఓ వార్త హల్ చల్ చేస్తోంది. హీరో సుమంత్ అశ్విన్ కు తల్లి పాత్రలో అనసూయ నటిస్తోందనేదే ఆ వార్త. అయితే ఈ వార్తలను ఆమె ఖండించింది. ఈ వార్తలో నిజం లేదని తెలిపింది. కరోనా కారణంగా టీవీ షూటింగులకే తాను హాజరు కావడం లేదని... అలాంటప్పుడు సినిమా షూటింగులకు ఎలా హాజరవుతానని చెప్పింది.

నాగ్ అశ్విన్ హీరోగా ఓ చిత్రం తెరకెక్కుతోంది. ఈ సినిమాలో అశ్విన్ తల్లిదండ్రులుగా ఇంద్రజ, శ్రీకాంత్ ను తీసుకున్నారు. అయితే, చెన్నైలో ఉంటున్న ఇంద్రజ కరోనా కారణాలతో హైదరాబాద్ షూటింగుకు రాలేనని చెప్పింది. దీంతో, ఆమె స్థానంలో అనసూయను తీసుకున్నారనే వార్తలు వచ్చాయి.